Atentat ne Vlore, vriten tre vellezer te familjes Kerri - (30 Korrik 2001)

Lajme Arkiva - TV Klan 2001 Një ngjarje e rëndë ka tronditur rreth paradites qytetin e Vlorës. Persona ende të paidentifikuar nga policia e qytetit bregdetar, kanë goditur me armë zjarri tre vëllezër të familjes Kërri. Ngjarja ka ndodhur në sheshin e Skelës, ku nga një automjet tip Fiat, me targa italiane është hapur zjarr ndaj automjetit tip Benz të vëllezërve Kërri. Si pasojë kanë mbetur viktima tre vëllezërit Sokol, Alfred dhe Ilir Kërri. Sipas burimeve të policisë së qytetit të Vlorës për ngjarjen, kanë filluar hetimet dhe identifikimi dhe gjetja e autorëve. Vetëm pak orë pasi ka ndodhur ngjarja, policia arriti të zbulonte pranë fabrikës së çimentos, makinën tip Lança të braktisur me të cilën udhëtonin autorët si edhe 200 metra më tej, në një bunker, janë gjetur tre automatikë kallashnikovë. Sipas të dhënave të hetimeve paraprake në vendngjarje, ku humbën jetën tre vëllezërit, policia gjeti 60 gëzhoja automatiku. Sidoqoftë policia vlonjate ende nuk ka dhënë versionin e saj për këtë krim që ka tronditur Vlorën, ndërkohë që pista më e mundshme e deritanishme mbetet vrasje për hakmarrje./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/