Deewan-e-Ghalib(# 209). Kahun Jo Haal To Kahte to Muddaa Kahiye. [Mirza Ghalib Ki Shayari]

Read by Vikas Phonsa kahūñ jo haal to kahte ho mudda.ā kahiye tumhīñ kaho ki jo tum yuuñ kaho to kyā kahiye na kahiyo ta.an se phir tum ki ham sitamgar haiñ mujhe to ḳhū hai ki jo kuchh kaho bajā kahiye vo neshtar sahī par dil meñ jab utar jaave nigāh-e-nāz ko phir kyuuñ na āshnā kahiye nahīñ zarīya-e-rāhat jarāhat-e-paikāñ vo zaḳhm-e-teġh hai jis ko ki dil-kushā kahiye jo mudda.ī bane us ke na mudda.ī baniye jo nā-sazā kahe us ko na nā-sazā kahiye kahīñ haqīqat-e-jāñ-kāhī-e-maraz likhiye kahīñ musībat-e-nā-sāzī-e-davā kahiye kabhī shikāyat-e-ranj-e-girāñ-nashīñ kiije kabhī hikāyat-e-sabr-e-gurez-pā kahiye note: I forgot to read this sher in the beginning of the video, but read it while explaining the ghazal rahe na jaan to qātil ko ḳhūñ-bahā diije kaTe zabān to ḳhanjar ko marhabā kahiye nahīñ nigār ko ulfat na ho nigār to hai ravānī-e-ravish o mastī-e-adā kahiye nahīñ bahār ko fursat na ho bahār to hai tarāvat-e-chaman o ḳhūbī-e-havā kahiye safīna jab ki kināre pe aa lagā 'ġhālib' ḳhudā se kyā sitam-o-jaur-e-nā-ḳhudā kahiye https://www.rekhta.org/ghazals/kahuun... #mirzaghalib #ghalib #ghalibkishayari #urdushayari #mirzaghalibghazal #urduadab