率先睇．中年好聲音3｜林子祥之夜競爭激烈 黃博獲邀合唱認證唱功

率先睇．中年好聲音3｜林子祥之夜競爭激烈 黃博獲邀合唱認證唱功 將於13號播出嘅《中年好聲音3》，有殿堂級歌手林子祥Lam駕臨任嘉賓評審，總經理曾志偉都現身接待呀。 呢集12強選手要以阿Lam嘅金曲出戰，喺上集節目尾嘅預告中，有眼利網民發現其中一幕透露咗黃博得到99分，打破咗中聲3紀綠嘅高分，黃博改編咗阿Lam嘅《這一個夜》出戰，阿Lam欣賞後俾咗20分滿分認證黃博嘅唱功。 喺舞台上見到黃博以一副輕柔姿態唱出肉緊嘅感覺，控制強弱嘅音量流暢，連阿Lam都不禁大讚佢嘅聲線，仲話要邀請對方合唱。另一評審周國豐亦給予好評，揚言可能會有100分出現。黃博表示好開心可以唱到偶像阿Lam嘅歌曲出戰，曾經有睇過對方嘅演唱會，好欣賞阿Lam嘅歌藝，每首歌曲都能夠駕馭得好好，覺得自己好幸運可以唱到偶像嘅歌仲被佢稱讚。 至於阿Lam就對另一位大魔王張與辰嘅舞台印象難忘，大讚佢演繹《誰能明白我》唱得好夠放，而且喺眾多參賽者中，暫時都未見到有人扮林子祥，在旁嘅肥媽笑指邊個夠膽扮阿Lam呀？ 占士丁丁就苦練咗阿Lam嘅廣東話歌《真的漢子》出戰，掌握得都唔錯，而重炮唱將劉洋呢集終於跳出自己舒適圈，首度獻唱廣東話歌《男兒當自強》，劉洋表示難度十足，之前刻意跟老師學習粵語及九聲六調，能夠唱出百份之九十已經心滿意足。 #中年好聲音3 #林子祥 #電視城 #曾志偉 #黃博 #這一個夜 #周國豐 #張與辰 #誰能明白我 #真的漢子 #占士丁丁 #男兒當自強 #劉洋 #大魔王 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0