عامر - بروتوكول (دريل مصري) | Amer - Protocol (Official Audio) 4K

دريل مصري تقيل لكل اللي بيقدر المزيكا الصح. صناعة العمل: كلمات وتلحين وتوزيع: عامر ​ الأداء الصوتي: بواسطة تقنيات الذكاء الاصطناعي (Suno) بتوجيه فني من عامر. كلمات الأغنية: ( (البروتوكول.. مكتوب فيه إن العالم ده أتحول سيرك، وأبطال اللايف، لبسوا بلياتشو. كتير منهم عايش دور البطولة، وهما عرايس خشب في شو، يبيعوا الغالي بالرخيص.. عشان "لايك" وتاتشو. ركز في الكلام.. عشان اللي جاي "سكينة" في الوجع، بقينا نأدن في مالطا... مالقيناش رد فعل جدع. ............. إيه ذنب الطفل أما بكره هيفتح عينيه؟ يلاقي أبوه كان "نمرة"، والناس بتضحك عليه. إيه ذنب البنت لما تشوف "الأم" في "لايف" بتتهان؟ عشان حبت دولارات، بعتوا الغالي بالمجان. سوشيال ميديا كدابة، علاقات ورق وهوا، النهارده معاك، وبكرة "بلوك" وبقينا سوا. تباً للمال.. إن كان تمنه كرامتك وكيانك، بكرة القبر يضمك.. ومحدش هيشيل وزر جنابك. ........... فاتح الشاشة، شايف المهازل بالكوم، ناس باعت الهيبة، وداسوا على الأصول في يوم. عشان "أسد" طالع، أو "تيكيت" يرميه مجهول، بقى يرقص ويمثل، والكرامة في خبر مذلول. بص للستات، اللي نسيت معنى الوقار، عشان تريند، تهد في بيتها وتكشف الأسرار. الكل بيجري ورا الفكة، والنفوس بقت جعانة، المبادئ ماتت، والجنازة كانت لايف بأمانة. دخلنا في الغريق، والستارة لسه مرفوعة، نفوس ضعيفة، في سجن الشاشة محبوسة وممنوعة. بقى الشاب "شنب" لكن الفعل "هلس" في هلس، يطلب "دعم" وهو قاعد، الرجولة واخدة غطس. يقولك "تحدي"، وهو في الأصل إهانة وذل، يا خسارة على جيل، خلى المبدأ في "الزبالة" يحل. الزمن ده كاشف، والمستور بكرة عريان، اللي باع أصله، ملوش في الذمة مكان. ناس بتبيع "عرضها" عشان زيادة في "المشاهدات"، بكرة الحساب يجمع، وتدفع التمن كاش مش ديون. صاحبك اللي في الشاشة، وقت الشدة مبيظهرش، ده مجرد "بكسل"، في الحقيقة مبيسندش. خافوا على الجيل، خافوا عاللي جاي في الطريق، بنيتوا قصور من رمل.. بقيتوا في وضع الغريق. ............. حب على "الخاص"، ووعود أخرتها سراب، إنستغـراب وتيك توك، تبدأ بضحكة وتنتهي بخراب. القلوب بقت "إيموجي"، والمشاعر بلاستيك، بتصاحب واحد الصبح، وبالليل يختفي في تاستك. كله بيدور على مصلحته، والأصول بقت عملات نادرة، نفوس مريضة، في الكذب والتمثيل شاطرة. بكرة ولادكو هيسألوا: "كنتوا بتعملوا إيه زمان؟" هتقولوا كنا بنلم كوينز وبنبيع الأمان. بعتوا الأصول في المزاد.. وقبضتوا تمن العار، بنيتوا سقف بيوتكو.. من طوب نصيبه النار. الراجل اللي بحق.. يموت وما يفضحش عرضه، وأنت بتبيع الغالي.. عشان ترضي اللي مش بيرضوا. العز مش في الجيوب.. العز في نظافة السيرة، واللي استرخص ذاته.. آخره يعيش في خيبة. ترقصوا فوق الوجع.. والبيت بينهار أساسه، واللي ملوش "كبير" الهم بيدوس فوق راسه. الطفل اللي هيكبر.. هيشوف القرف في ملامحكو، بكرة السنين هتمر.. مين فينا هيسامحكو؟ مش كل من شال لقب.. كان للأمانة أمين، في ناس بتبني قصور.. وفي الحقيقة مساجين. الكرامة مش "لايك".. ولا شوية ورق معدود، الكرامة سيرة بتعيش.. حتى وأنت تحت الدود. خلص الكلام يا رخيص.. والموت جايلك في الطريق، واللي غرق في الوحل.. ملوش في نجاته صديق. .................. اسمع يا ابني.. فوق واصحى قبل فوات الأوان، بكرة هتطلع فوق.. مفيش شاشة ولا "فلتر" ولا ألوان. محدش هينفعك هناك غير عملك اللي هيفضل، واللي عاشها نمرة في سجل عمله هينزل. يا بخت اللي راح.. وسيرته فضلت حلوة بين الناس، ويا ويله اللي عاش.. والناس بتدعي عليه بالمداس. الكرامة مش للبيع.. والفلوس بتروح وتيجي، خليك راجل بجد.. ماتبقاش هلهول يا تهريجي. ............. "في الآخر.. الشاشة هتطفي.. واللايكات هتموت.." "مش هيفضل غير عملك.." ........ "يا بابا.. هما ليه بيضحكوا علينا؟" ............ ) ⚠️ تنبيه: جميع الحقوق محفوظة لـ Amer Protocol. ممنوع إعادة الرفع لعدم التعرض للمطالبات القانونية. #عامر #بروتوكول #دريل_مصري #EgyptianDrill #رابع_مصر #Amer_Protocol #AI_Music #Suno #4K