«Уладзімір Караткевіч і Дзіва аднавокае»

Калі ласка падтрымайце нашых артыстаў, ахвяраваўшы праз PayPal на наступны адрас электроннай пошты: [email protected] 0:00:00 ... 0:15:17 Пачатак ​@litaraturnyvir ​ Спектакль "Уладзімір Караткевіч і Дзіва аднавокае", створаны паводле казак нашага класіка "Лебядзіны скіт", "Чортаў скарб", "Мужык і Дзіва аднавокае". Да вас у госці прыедуць экзатычныя гандляры, якія акрамя залатых падносаў князя Вітаўта, візантыйскіх тканін, палесскай садавіны і гародніны прапануюць вашай увазе ўнікальную папку з чарнавікамі самога Караткевіча, дзе акрамя другой часткі "Каласоў пад сярпом тваім" ёсць нямала казак, якія тут і зараз ператворацца ў спектакль. Вашых дзяцей і вас саміх будзе чакаць сустрэча з унікальнымі лялькамі, вострасюжэтна-фантастычныя гісторыі, якія да гэтага вы не бачылі. Там дзейнічаюць мядзведзі і чэрці, добрыя чараўнікі і каварныя татара-мангольскія ханы, гіганцкія пчолы і вясёлыя цыркавыя блазны. Дзеткі не толькі будуць гледачамі, але і самі змогуць паўдзельнічаць у спектаклі, праявіць свае акторскія, вакальныя, танцавальныя таленты. Шмат гульняў, радасці, смеху забяспечана! А таксама юныя гледачы даведаюцца нямала цікавага з жыцця і гісторыі нашай Радзімы часоў Вялікага княства літоўскага і ня толькі.