BAJETI YA ZANZIBAR YAWASILISHWA, TRILIONI 8.5 KWA MWAKA 2026/2027

Waziri wa Fedha na Mipango Zanzibar, Dkt. Juma Malik Akil, amewasilisha Bajeti Kuu ya Serikali ya Mapinduzi ya Zanzibar kwa mwaka wa fedha 2026/2027 yenye makadirio ya takribani shilingi trilioni 8.5. Akiwasilisha bajeti hiyo katika Baraza la Wawakilishi, Dkt. Juma amesema fedha hizo zitaelekezwa katika utekelezaji wa mipango mbalimbali ya maendeleo pamoja na kuimarisha utoaji wa huduma za kijamii kwa wananchi. Bajeti hiyo inajumuisha vipaumbele mbalimbali vya serikali vinavyolenga kukuza uchumi, kuongeza ajira, kuimarisha miundombinu na kuboresha ustawi wa wananchi. Baada ya kuwasilishwa, bajeti hiyo sasa inatarajiwa kujadiliwa na wajumbe wa Baraza la Wawakilishi kabla ya kupitishwa rasmi kwa ajili ya utekelezaji katika mwaka mpya wa fedha. #Zanzibar #Bajeti20262027 #DktJumaMalikAkil #BarazaLaWawakilishi #Maendeleo #Uchumi #ASAMOnlineTV