“Taraqqiyot yoshlari” O‘zMU 🆚 “Everest” FarDU | “Munozara – 2026” 1-chorak final

Xabaringiz bor, “Munozara” turnirining 2026-yilgi respublika bosqichi Namangan davlat texnika universiteti mezbonligida o‘tkazilgan edi. Unda eng kuchli 18 ta oliy ta’lim tashkilotlarining jamoalari g‘oliblik uchun bellashgan. Bugundan boshlab haftaning har chorshanba kunlari respublika bosqichining chorak final, yarim final va final bosqichi bellashuvlarini to‘liq formatda YouTube sahifamiz orqali premyera qilib boramiz. Chorak finalning ilk bellashuvi O‘zbekiston Milliy universitetining “Taraqqiyot yoshlari” hamda Farg‘ona davlat universitetining “Everest” jamoalari o‘rtasida o‘tgan va unda O‘zMU jamoasi g‘alaba qozonib, yarim final yo‘llanmasiga ega bo‘lgan edi. Quyidagi havola orqali ushbu bellashuvni tomosha qilishingiz mumkin. O‘ylaymizki, mazkur videolar turnirning kelasi mavsumida ishtirok etish istagidagi talabalar uchun qo‘llanma vazifasini bajaradi.