JAVED AKHTAR | ABHI KUCHH DIN LAGENGE

Zara Mausam To Badla Hai Magar PeḌon Ki Shaḳhon Par Na.E Patton Ke Aane Men ABHI KUCHH DIN LAGENGE Bahut Se Zard Chehron Par Ghubar-E-Gham Hai Kam Be-Shak Par Un Ko Muskurane Men Abhi Kuchh Din Lagenge Kabhi Ham Ko Yaqin Tha Zo.Am Tha Duniya Hamari Jo Muḳhalif Hai To Ho Jaa.E Magar Tum Mehrban Ho Hamen Ye Baat Vaise Yaad To Ab Kya Hai Lekin Haan Ise Yaksar Bhulane Men Abhi Kuchh Din Lagenge Jahan Itne Masaaib Hon Jahan Itni Pareshani Kisi Ka Bevafa Hona Hai Koi Saneha Kya Bahut Maaqul Hai Ye Baat Lekin Is Haqiqat Tak Dil-E-Nadan Ko Laane Men Abhi Kuchh Din Lagenge Koi Tuute Hue Shishe Liye Afsurda-O-Maġhmum Kab Tak Yuun Guzare Be-Talab Be-Arzu Din To In ḳhvabon Ki Kirchen Ham Ne Palkon Se Jhatak Diin Par Naye Arman Sajane Men Abhi Kuchh Din Lagenge Tavahhum Ki Siyah Shab Ko Kiran Se Chaak Kar Ke Agahi Har Ek Angan Men Naya Suraj Utare Magar Afsos Ye Sach Hai Vo Shab Thi Aur Ye Suraj Hai Ye Sab Ko Maan Jaane Men Abhi Kuchh Din Lagenge Purani Manzilon Ka Shauq To Kis Ko Hai Baaqi Ab Nayi Hain Manzilen Hain Sab Ke Dil Men Jin Ke Arman Bana Lena Nai Manzil Na Tha Mushkil Magar Ai Dil Naye Raste Banane Men Abhi Kuchh Din Lagenge Andhere Dhal Gaye Raushan Hue Manzar Zamin Jaagi Falak Jaaga To Jaise Jaag Utthi Zindagani Magar Kuchh Yad-E-Mazi Odh Ke Soye Hue Logon Ko Lagta Hai Jagane Men Abhi Kuchh Din Lagenge #JAVEDAKHTAR #GHAZAL #URDUPOEM