Fshatari i pabindur bllokon kalimin e banorëve të fshatit Sheqeras në Korçë-(29 Maj 2006)

Lajme Arkiva 2006 Pretendon se rruga e fshatit kalon në tokën e tij, ndaj e bllokon atë duke e penguar kalimin e 100 banorëve. Konflikti që qëndron hapur që prej një viti dhe që disa herë ka degjeneruar në dhunë mbrëmjen e djeshme ka çuar në fshatin Sheqeras të Korçës forcat e policisë së rendit. Banorët dhe drejtuesit e komunës fajësojnë bashkëfshatarin e tyre, Tafil Kryemadhi, se ka përvetësuar rrugën duke e kthyer atë në tokë të mbjellë. “Shtatë dynym tokë unë e kam bosh. Kam hedhur nitrat. Kanë bërë 100 mijë lekë më ka bërë toka që kam pluguar dhe kam mbjellë. Çfarë t’i bëj unë? Nuk bëhet më. Edhe vetëm për një person jemi penguar 100 frymë”. “Këtu kemi një vit që nuk po kalojmë dot për të hyrë në tokat tona këtu. Po grindemi, po zihemi me jo me fshatarët se t’i thuash fshatar, po unë e kam djalë xhaxhai që i ka hyrë në tokë tjetrit edhe po grindemi kot. I hyjmë i bëjmë dëm përse bën 20 metro rrugë këtu kur ka mundësi të hapet.” Për Kryemadhin toka është e tija dhe ai mund të bëjë ç’të dojë me të. “Unë e kam tokë buke. Në rast se më takon ma lini, s’më takon ore ma hiqni. Me ç’të drejtë tashi plaku i fshatit më vjen mua dhe më korr grurin. Prandaj kjo punë të sqarohet se unë nuk e lejoj këtu njeri të kalojë. E them kështu burrërisht”. Rruga është e vetmja që i çon fshatarët e Sheqerasit në tokat e tyre bujqësore. Pas shumë përplasjesh me bashkëfshatarin ata kanë kërkuar ndërhyrjen e pushtetit vendor dhe të policisë me shpresën për gjetjen e një zgjidhjeje./tvklan.al Gazetar: Rezart Lahi SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/