मेरी श्री वृषभानुदुलारी, जाकर चाकर बनवारी | ब्रज रस माधुरी - 1 | Ft.Akhileshwari Didi

मेरी श्री वृषभानुदुलारी, जाकर चाकर बनवारी। मेरी श्री वृषभानुदुलारी, मेरी प्रानन प्यारी प्यारी। मेरी श्री वृषभानुदुलारी, भोरी बरसाने वारी। मेरी श्री वृषभानुदुलारी, सिर चूनरि पर बलिहारी। मेरी श्री वृषभानुदुलारी, चितवनि रस जान मुरारी। मेरी श्री वृषभानुदुलारी, है नीलाम्बर छवि न्यारी। मेरी श्री वृषभानुदुलारी, किंकिनि धुनि मुनि मन हारी। मेरी श्री वृषभानुदुलारी, पग पायल मृदु झनकारी। मेरी श्री वृषभानुदुलारी, गति हंस लजावनि हारी। मेरी श्री वृषभानुदुलारी, स्वामिनि 'कृपालु' बलिहारी।