මාතර අප ස්වාමිදුවට ආශිර්වාද බහුල යාච්ඤාව - Blessed Prayer to Our Lady of Matara

නිමක් නැති ප්‍රාතිහාර්යන්ගෙන් පිරුණු මාතර අප ස්වාමිදුවගේ පාමුල විශ්වාසයෙන් යදින්න. එතුමිය අපගේ සියලුම අවශ්‍යතාවන් වෙනුවෙන් ජේසු සමිඳුන් ඉදිරියෙහි මැදිහත් වනු ඇත.. ප්‍රේමයේ බලයෙන් ලොව විමුක්තිය ලබා දුන්  දේව පුතණුවන්ගේ ප්‍රේමණීය මෑණියන් වන රුහුණු ප්‍රදේශයේ ප්‍රාතිහාර්යයන් පාමින් වැඩ සිටින්නා වූ මාතර අප  මාතාවෙනි... ඔබගේ අසරණ දරුවන් වන අප බොහෝ විට දුක් කම්කටොළු මැද, වේදනා මැද, අසහනයෙන් පෙළෙමින්, වැළපෙමින්, කඳුළු සලමින්, කැළඹෙමින්, සිටින්නෙමු.. අපගේ දුබලකම්  හමුවේ ඔබතුමියගේ පිහිට ආරක්ෂාව ලබා ගැනීමට මේ මොහොතේදී  ඔබතුමියගේ පාමුලට අපි පැමිණියෙමු... ආදර අම්මේ දෙවිපියාණන්ගේ කැමැත්ත අනුව දුක් වේදනා විඳ දරා ගැනීමට ශක්තිය හා හොඳ හිත අපට දුන මැනව... පාපයෙන් මිදෙන්නටද, පාප ප්‍රස්ථාවලදී  එඩිතරව සටන් කිරීමටද අප ශක්තිමත් කළ මැනව.. [මේ මොහොතේදී ඔබගේ සියළු උවමනාවන් ප්‍රාතිහාර්යන්ගෙන් පිරුණු මාතර අප ස්වාමිදුවගේ දෑතට විශ්වාසයෙන් භාර දෙන්න] රුහුණු රාජිනියෙනි,   ඔබතුමියගේ පාමුල සිටින්නාවූ ඔබගේම බැහැපත් දරුවන් වන අපගේ ජීවිත අර්ථවත් කළ මැනව.. දිනපතාම සෑම මොහොතකම සැබෑ කිතුණු ජීවිතයෙන්ම ජීවත් වීමට අප දිරි ගැන්වූව මැනව.. ඉවසිලිවන්තකම, සමාව, දයාව, අන් අයට පෙන්වන්නට අපට මග පෙන්නුව මැනව.. අපට වුවමනා යහපත් දේ ලබා දුන මැනව ඔබතුමියගේ දයාබර මැදිහත්වීමෙන් අප ලබා ගත්තාවුද ලබා ගන්නට යන්නාවූද සියලු පරප්‍රසාදයන් ගැන මේ මොහොතේදී හද බැතියෙන් තුති පුදමු.. දණ නමා හිස නමා ඔබ පුතුණුවන් හට අපි බාර වෙමු.. සාන්ත ශ්‍රීයෙන්  බබලන්නාවූ ඔබතුමියගේ මාතෘක මැදිහත්වීමෙන් දහසක් දේව ආසිරි ඔබතුමියගේ දයාබර පුතණුවන්ගෙන්ම අපට ලබා දෙන මෙන් බැගෑපත්ව ඉල්ලා සිටිමු.. ආමේන්... #මාතරඅපස්වාමිදුවටආශිර්වාදබහුලයාච්ඤාව #sinhalaprayer #prayertoourladyofmatara #mataraprayer #mataraprayersinhala #miracleprayer #blessedprayersinhla #mataramothermary #මාතරඅපස්වාමිදුවටයාච්ඤාව #viralvideo #mataraapaswamiduwatayachnawa #mataramaniyantayachnawa