విజయవాడ మాచవరంలోని ఈషా కాలేజ్ ఆఫ్ కామర్స్ కళాశాలలో విద్యార్థులకు మోటివేషన్ సెషన్ | c news

జీవితంలో విజయానికి విద్యతో పాటు నైపుణ్యాలు కూడా ఎంతో అవసరం అని విషయాన్ని విద్యార్థులకు తెలియజేయడమే తమ లక్ష్యమని ప్రముఖ మోటివేషనల్ స్పీకర్ గంపా నాగేశ్వరరావు అన్నారు. విద్యార్థులు కేవలం డిగ్రీలకే పరిమితం కాకుండా, కమ్యూనికేషన్, నాయకత్వం, సమస్యలను పరిష్కరించే సామర్థ్యం వంటి నైపుణ్యాలను కూడా పెంపొందించుకోవాలని సూచించారు. వాయిస్ : విజయవాడ మాచవరంలోని ఈషా కాలేజ్ ఆఫ్ కామర్స్ కళాశాలలో విద్యార్థులకు మోటివేషన్ సెషన్ ను నిర్వహించారు. ప్రముఖ మోటివేషనల్ స్పీకర్ గంపా నాగేశ్వరరావు విద్యార్థులకు మోటివేషన్ చేసారు. అన్ని ప్రొఫెషనల్ కోర్సుల్లో కామర్స్ కోర్సు ఎంతో ఉత్తమమైనదని అన్నారు. మూడేళ్లు కష్టపడి డిగ్రీ పూర్తి చేసి, గ్రాడ్యుయేషన్ తో పాటు సిఏ ఇంటర్, సిఏ ఫైనల్ పూర్తి చేస్తే జీవితంలో సెటిల్ అయిపోతారని అన్నారు. సిఏతో పాటు సివిల్ సర్వీస్ కూడ చేయాలనీ అన్నారు. కామర్స్ ప్రొఫెషన్ కు సంభందించిన కోర్సులు టాలీ, ఆర్టిఫీషియల్ ఇంటెలిజెన్స్ నేర్చుకోవాలని కోరారు. చదువుతో పాటు జీవితంలో ఎలా ఎదగాలి, ఎలా నిలబడాలి ఏకైక కళాశాల ఈషా కాలేజ్ ఆఫ్ కామర్స్ అని అన్నారు. ఈషా కాలేజ్ ఆఫ్ కామర్స్ చైర్మన్ సుంకసాని గోపిచంద్ మాట్లాడుతూ ప్రస్తుతం ఉన్న పోటీ ప్రపంచంలో మార్కులు, ర్యాంకుల కన్నా ఉద్యోగ అవకాశాలు పొందాలంటే కమ్యూనికేషన్ స్కిల్స్ చాలా ముఖ్యమని ఆయన అన్నారు. తమ కళాశాలలో ఎవరైతే విద్యార్థులు జాయిన్ అయ్యారో వారికి నాణ్యమైన విద్యతో పాటు ఉద్యోగానికి కావలసిన నైపుణ్యాన్ని తమ కళాశాలలో విద్యార్ధులకు నేర్పిస్తున్నామని అందులో భాగంగా ఈరోజు మోటివేషనల్ స్పీకర్ గంపా నాగేశ్వరరావు ఆధ్వర్యంలో ఈ కార్యక్రమాన్ని ఏర్పాటు చేసినట్లు తెలిపారు. అనంతరం ఆయనను శాలువా తో సత్కరించి, మెమొంటోను అందజేశారు. ఈ కార్యక్రమం లో ఈషా కాలేజ్ మేనేజింగ్ డైరెక్టర్ అనన్య, అకడమిక్ డీన్ క్రాంతి కుమార్, ప్రిన్సిపాల్ చంటిబాబు, కామర్స్ హెచ్ఓడి క్యాలవిన్, సిబ్బంది మరియు విద్యార్థిని విద్యార్థులు పాల్గొన్నారు.