洪水橋／厦村新發展區基建工程研究及測試嶄新「半柔性路面」優化道路物料技術

小編「工程獅」🦁今日同大家介紹一項嶄新嘅道路路面物料技術—「半柔性路面」! 土木工程拓展署現正積極推展洪水橋／厦村新發展區嘅基建工程，當中包括將分階段開展區內「智慧綠色集體運輸系統」，以配合新發展區不同階段嘅交通運輸需求。👉由於工程團隊聯同業界評估預計智慧綠色集體運輸系統車輛嘅車軸負荷可能較一般車輛為高，如果採用傳統瀝青路面物料，將來有機會喺使用較早期出現車轍狀況，行車舒適度可能因而下降🚧。工程團隊聯同業界專家（包括香港建築科技研究院及香港理工大學）攜手合作，深入研究多種創新道路物料方案，並透過實驗室測試，最近喺洪水橋／厦村新發展區引入測試香港版「半柔性路面」優化道路物料技術✨！ 🔎「半柔性路面」結合咗瀝青嘅柔韌同水泥嘅硬度，簡單嚟講就係「軟硬兼施，剛柔並濟」！相對傳統瀝青，呢種道路路面物料不但耐用度較高、承重力較強，仲具備更佳嘅抗疲勞能力，將可提升道路路面嘅耐用性，為市民帶來更優質嘅道路使用體驗😊。 工程團隊聯同業界專家除咗參考內地同海外「半柔性路面」嘅應用經驗，亦親身到內地與專家交流，並已開展喺洪水橋／厦村新發展區第二期發展📍進行實地測試。工程團隊特別設計咗疊裝式制漿設備，善用有限空間，同時方便日後於其他項目或業界於香港狹窄環境下應用。同時，制漿設備採用無塵化下料技術及低噪音工序，有效保持施工環境整潔，維持周邊潔淨環境🍀。 透過實地測試所得數據及技術經驗，將為未來「智慧綠色集體運輸系統」道路路面設計提供重要資料參考，締造更適合本地環境使用嘅香港版「半柔性路面」！🌱。希望日後可以讓市民大眾體驗到更綠色、更智慧嘅出行方式！💚 #土木工程拓展署 #CEDD #工程獅 #IrLeo #香港建築科技研究院 #BTRI #香港理工大學 #洪水橋厦村新發展 #智慧綠色集體運輸系統 #半柔性路面 #創新道路路面物料工藝