Shillong-Dawki road | Rai ka sorkar ban pyniaid shipor ia ki kali na ka jaka u Bah Khrik

U Symbud Myntri Rangbah ka Jylla u Bah Prestone Tynsong uba khmih ia ka PWD Roads and Buildings hynne ka sngi Nyngkong, ula leit jurip ia ka jingtwa ka surok kaba don harum jong ka shnong Laitlyngkot kaba la jia ha ka sngi u Blei. Ha kane ka jingjurip la iadonlang u MLA ka Sohra u Bah Gavin Mylliem Deputy Commissioner ka East Khasi Hills District u Abhilash Baranwal, ka Commissioner and Secretary ka Tnad Revenue and Disaster Management ka Kong Matsiewdor War Nongbri, u Secretary ka PWD u Bah Bibat Syiem, u SP ka East Khasi Hills u Bah Vivek Syiem, ki heh ophisar jong ka NHAI bad ki nongmihkhmat kong ka Company kaba shna ia ka surok Shillong Dawki Road. Kane ka kynhun kala leit ban ban jurip ia katei ka surok kaba la twa kaba don sharum ka shnong Laitlyngkot bad hadien kane kala iaid pat na ka shnong Umthli ban poi sha kawei pat ka liang jong katei ka surok kaba twa.