فلوج يومي في ألمانيا | أسوأ يوم عدى عليا 😢💔»

أهلاً بيكم يا أحلى عيلة ❤️ يمكن ماكنتش أتوقع إن في يوم هبعد عن قناتي أكتر من سنتين… بس الحياة خدتني غصب عني. تخيلوا! بنتي الكبيرة كانت عمرها خمس شهور بس ولقيت نفسي حامل في بنتي التانية، وحياتي كلها اتغيرت. بين دراسة الألماني، وتربية البنات، والمسؤولية اللي زادت فجأة… اختفيت من هنا وأنا كان نفسي أشارك كل ده معاكم بس ماكنش عندي وقت ولا طاقة. وكمان آخر حاجة كانت القشة اللي قصمت ضهري… سقطت في امتحان السواقة بعد ما تعبت واتمرمطت وتحملت مدرب طريقته صعبة جدًا وخلاني حاسة إني قليلة ومش قادرة أتعلم، وده وجعني أكتر لأني طول عمري مش متعودة أفشل. بس قررت أرجع… أرجع أصور وأشارككم يومي عشان أفتكر إن جوة كل دوامة دي فيّ جزء لسه بيحب يعيش ويحلم ويبدأ من جديد. الفيديو ده من قلبي ليكم… روتيني البسيط، مع بناتي، وسط الزعل، وسط القهوة والمكياج والضحك. يمكن تلاقوا في يومي حاجة تشجعكم إنكم تبدأوا من جديد زَيِّي ❤️»