ကျိုက်ထီးရိုးတောင်တက်လမ်းတစ်လျှောက်က ပညာရေးအလှူ | 2026 ကျိုက်ထီးရိုးခရီးစဉ်

ဒီ အစီအစဉ်လေးကတော့ ၂၀၂၆ ခုနှစ်၊ ပညာသင်နှစ်ကာလ မိုးတွင်းအချိန်အခါမှာ ကျိုက်ထီးရိုး ခြေလျင်တောင်တက်လမ်းတစ်လျှောက်က တောင်တန်းတွေပေါ်မှာ နေထိုင်ကြတဲ့ ချို့တဲ့ဒေသခံတွေရဲ့ ကလေးငယ်လေးတွေအတွက် စာရေးကိရိယာနဲ့ အခြားလိုအပ်ချက်လေးတွေကို ဖြည့်ဆည်းလှူဒါန်းပေးခဲ့ကြတဲ့ ပညာရေးအလှူလေး ပဲဖြစ်ပါတယ်ခင်ဗျာ။ ကျိုက်ထီးရိုး ခြေလျင်တောင်တက်လမ်းတစ်လျှောက်မှာရှိတဲ့ ရွာလေးတွေက ကလေးငယ်များဟာ လက်လုပ်လက်စား မိသားစုများမှ ကလေးငယ်များပီပီ ချို့တဲ့စွာနဲ့ နေထိုင် ပညာသင်ကြားနေရရှာတဲ့ ကလေးငယ်များပဲဖြစ်ပါတယ်။ တချို့ ကလေးငယ်များဟာဆိုရင် မိဘများရဲ့အဆင်မပြေမှုကြောင့် ပညာရေးကို ဆုံးခန်းတိုင်သည်အထိ မသင်ကြားရရှာပဲ ငယ်ငယ်ရွယ်ရွယ်နဲ့ ကျောင်းထွက်ပြီး တောထဲဝင် မျှစ်ချိုး၊ ထင်းရှာ အလုပ်မျိုးစုံလုပ်ပြီး ဝမ်းရေးကို ဦးစားပေးဖြေရှင်းကြရတဲ့ ကလေးငယ်များလည်းရှိကြပါတယ်။ ဒါကြောင့် အခုလို စီးပွားရေးအဆင်မပြေမှုကြောင့် ပညာရေးချို့တဲ့မှု မဖြစ်ပေါ်ရအောင် ကျွန်တော်တို့အဖွဲ့က နှစ်စဉ်နှစ်တိုင်း ဒီကလေးငယ်လေးတွေအတွက် တစ်ဖက်တစ်လမ်းက အထောက်အကူဖြစ်စေဖို့အတွက် တတ်နိုင်သလောက် ပညာရေးအလှူ ပေးလှူကြခြင်းပဲဖြစ်ပါတယ်ခင်ဗျာ။ ဒီ vlog လေးကိုကြည့်ရှုပြီး ကလေးငယ်လေးတွေအတွက် လှူဒါန်းချင်တဲ့သူများပေါ်လာခဲ့ရင်လည်း ကျိုက်ထီးရိုးခြေလျင်တောင်တက်လမ်းတစ်လျှောက်မှာ သွားရောက်လှူဒါန်း နိုင်ဖို့အတွက် ရိုက်ကူးတင်ပြလိုက်ရခြင်းပဲဖြစ်ပါတယ်ခင်ဗျာ။ #ပညာရေးအလှူ #2026ကျိုက်ထီးရိုးခရီးစဉ် #myanmaradventuretraveller #ခရီးသွားဘလော့ #adventuretraveller