StarTalk丨鄭國江笑談幫陳百強林子祥寫歌難忘經歷 曾數度婉拒劉松仁邀請

StarTalk丨鄭國江笑談幫陳百強林子祥寫歌難忘經歷 曾數度婉拒劉松仁邀請 香港著名填詞人鄭國江於七、八十年代與盧國沾、黃霑喺詞壇鼎足而立，鄭國江相隔7年再次接受 許文軒《StarTalk》訪問，嚟緊鄭國江將舉行周年音樂會，佢感恩眾歌手抽空演出。 鄭國江自細鍾情文字創作，佢坦言性格細膽，有時藉著歌詞自我鼓勵，同時感動到別人，鄭國江直言自己愛情經驗淺薄，透過歌手特別愛情觀，寫出不同層次嘅愛情；鄭國江當年與盧國沾及黃霑努力推動廣東歌樂壇，從未冇敵對，好似三位武林高手各自出招，一齊破解過招，仲有虛心接受別人嘅作品，鄭國江指當年黃霑寫膾炙人口嘅兒歌《世界真細小》，後來佢有機會為《小時候》寫主題曲，鄭國江寫出《小小的宇宙》，笑言比「世界」更大。 鄭國江受訪時更分享珍藏歌詞手稿，佢透露張國榮《濃本多情》及陳百強《喝采》本身係用另一個歌名，鄭國江明白唱片係商品，商業頭腦同創作人頭腦有分別，要用好多適當嘅方法幫歌曲宣傳。 鄭國江多年來樂於接受新挑戰，每次跟不同歌手交流，寫歌要迎合到歌手性格，譬如寫林子祥（阿Lam）嘅《誰能明白我》，鄭國江笑言：「『途人路上回望我，只因我的怪模樣』，如果寫畀張國榮唱畀人鬧死，阿Lam就好喜歡歐陸歌曲，好似《亞里巴巴》、《狂歡》，奇怪到冇人有，唔知點去掌握。」鄭國江仍然努力將工作一件件完成，佢曾數度婉拒劉松仁邀請寫歌，後來鄭國江喺90年代淡出流行曲，轉去寫歌劇、粵劇及兒童劇等。 #StarTalk #鄭國江 #許文軒 #林子祥 #張國榮 #陳百強 #詞壇 #盧國沾 #黃霑 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0