LORI LILILOBEBA MAKAA YA MAWE LAUA WANNE NA WENGINE KUJERUHIWA MKOANI LINDI| VILIO VYATAWALA

Watu wanne wamefariki dunia na wengine wanne kujeruhiwa baada ya kugongwa na lori la kampuni ya Specialised Hauliers Ltd, lenye namba za usajili T.157 EAV na trela T.163 EAU. Ajali hiyo imetokea katika kijiji cha Mtegu, Wilaya ya Lindi, majira ya jioni ya tarehe 27 Juni 2025. Gari hilo lililokuwa limebeba mzigo wa makaa ya mawe, likitokea mkoani Ruvuma kuelekea Mtwara, baada ya kufika kwenye mteremko wa kijiji cha Mmtegu ndipo liliacha njia likiwa mwendo kasi jambo lililopelekea kwenda kuwagonga watu waliokuwa zaidi ya kumi. Kamanda wa Polisi Mkoa wa Lindi, Kamishna Msaidizi wa Polisi John Imori, amethibitisha kutokea kwa ajali hiyo akiwa katika eneo la tukio. Walifariki ni Salumu Ally Mangowela (61), Shamte Said Mangowela (73), Amina Yusufu Kuchekecha (36), na Roza Hassan Namiundu (19). Majeruhi waliotajwa ni Raufu Mohamed (21), Nasra Manjeda (22), Salha Ally Falhani (17), na mtoto wa miaka mitatu Musali Salumu Mangowela, ambaye amepelekwa Hospitali ya Rufaa ya Mkoa wa Mtwara Ligula kwa matibabu zaidi. Majeruhi wengine watatu walipatiwa huduma katika Zahanati ya Madangwa na kuruhusiwa. SUBSCRIBE YOUTUBE CHANNEL YA FAIDA ONLINE TV ILI KUPATA HABARI ZETU