လူနာအားပေး တရားဆေး (ဦးထွန်းသန်း USA) - အသည်းကင်ဆာ။ ကျေးဇူးတော်ရှင် အောင်လံဆရာတော်ဘုရားကြီး။

Theinngu 32 Sayadaw Ashin Sandimar ဓနံ သရဏံ ဂစ္ဆာမိ ဓနကိုပဲ အားကိုးထိုက်တယ် ပိုက်ဆံမရှိလို့ မဖြစ်ဘူးဆိုပြီးတော့ ရှာကြတယ် ရှာတဲ့အခါမှာ ပိုက်ဆံမရှိလို့မဖြစ်တော့ ရှိတော့ ရှိတော့ရှိနေပြီ အာ ဒီလောက်နဲ့မရသေးဘူး ဖြစ်နေတာ ဒီကနေ့ဖြစ်ရပ်ကို ပြောတာ သိန်းတစ်ထောင်နဲ့တော့မရဘူး သိန်းတစ်သောင်းပြည့်အောင်၊ အာ သိန်းတစ်သောင်းနဲ့လည်း မရသေးဘူး အားမရသေးဘူး သိန်းပေါင်းတစ်သိန်းမှ သိန်းပေါင်းတစ်သိန်းရတော့လည်း အရင်းအနှီးပိုရတော့ သိန်းပေါင်းနှစ်သိန်းမှနဲ့ ဓနဥစ္စာ ကာမဂုဏ်ကို အဲဒါကိုပဲ တိုးတိုးပြီး အားထုတ်ပြီးတော့ အချိန်ဖြုန်းကြတယ်။ အဲ့ဓနဥစ္စာပါဝါ ရတနာတွေဟာ မိမိအတွက် ဘယ်လောက်အကျိုးပေးလဲလို့ ပြန်စစ်လို့ရှိရင် ချမ်းသာတဲ့ သူဌေးကြီးလည်း ပုဆိုးဆယ်ကွင်းထပ်မ၀တ်ဘူး၊ အကျီင်္ဆယ်ထည် ထပ်မ၀တ်ဘူး၊ ရွှေဆွဲကြိုးကြီး တစ်ဆယ်သား မ၀တ်ဘူး၊ နှစ်ဗိုက်စာ မစားဘူး၊ နှစ်ကျောစာ မအိပ်ဘူး၊ အားလုံက တစ်ကျောအိပ် တစ်ဗိုက်ဖြည့် တစ်ကိုယ်လုံအောင်ထားပြီးတော့ မွေးပြီးတော့ မြေကြီးပေါ်မှာ တစ်ဖဝါးနင်းပြီးတော့ ပစ္စုပ္ပန်တစ်ခဏချိန်လေးသာ ခံစားပြီးတော့ နေရတာ တအားမချမ်းသာလို့ ဆင်းရဲတဲ့ပုဂ္ဂိုလ်လည်း တစ်နေ့အိပ် တစ်နေ့စား တစ်ကျောချ တစ်ဖဝါးနင်းပြီးတော့ တစ်နေ့တာ နေနိုင်ရုံပဲ ရှာဖွေရင်းနဲ့ သူတို့ လည်းပြီးကြတယ်။အိပ်တာချင်းလည်း အိပ်ပျော်သွားတာချင်းလည်းအတူတူပဲ အဟာရ ဗိုက်ပြည့်သွားတာလည်း အတူတူပဲ။ အင်္ကျီတထည် ပုဆိုးတစ်ထည် ကြမ်းတာနဲ့ ချောတာ ကွာရင်ကွာမယ် လုံလောက်တယ် ဒါပေမဲ့ လွန်လွန်ကဲကဲရှာနေကြတာ မပြည့်စုံဘူးလားလို့ မေးတော့ ပြည့်စုံတဲ့အပြင် ဒါပြည့်တာနဲသေးတယ်ဆိုပြီး ထပ်ဖြည့်တာပဲရှိုတယ်။ ဘယ်လောက်ဖြည့်ဖြည့် သူ့ရဲ့ခံစားမှုက တစ်ကျော တစ်ဗိုက် တစ်ကိုယ်စာပဲ ဒါပေမဲ့ ဒါနဲ့မပြီးသေးဘူး ဘယ်လိုပဲရှာရှာ ဘယ်လောက်ကျွေးကျွေး ဘယ်လောက်ပဲပြုစု ပြုစု ဘယ်လောက်ပဲယုယ ယုယ ဒီခန္ဓာဟာ သေတာပဲအဖက်တင်တယ်။ ဘုရင်ကြီးလည်း သေတာပဲ သမ္မတကြီးလည်း သေတာပဲ သူဌေးကြီးလည်း သေသွားတာပဲ ပညာရှိကြီးလည်း သေသွားတာပဲ သူတောင်းစားလည်း သေသွားတာပဲ လယ်သမားလည်း သေသွားတာပဲ သေတာကြတော့ ကွာခြားမှုရှိသေးလား မသေခင်တော့ ကွာခြားမယ်ထင်ပြီးတော့..............