Arbën Xhaferi për bashkimin e trojeve shqiptare dhe pavarësinë e Kosovës-(12 Dhjetor 2005)

Lajme Arkiva 2005 Pa u zgjidhur çështja shqiptare nuk mund të kapërcehet kriza e saj. I sapoardhur në Tiranë kreu i Partisë Demokratike të shqiptarëve të Maqedonisë, Arbën Xhaferi ka përsëritur në një intervistë për TV Klan idenë e tij të njohur të bashkimit të trojeve shqiptare me shtetin amë për të krijuar një shtet unik shqiptar me Shqipërinë, Kosovën dhe pjesën shqiptare të Maqedonisë. Arbën Xhaferi: “Kauza shpeshherë hap kategorinë e krizës po qe se nuk jemi në gjendje ta realizojmë atë. Vjen si pasojë e dështimit të koncepteve të shteteve të mirëfillta multi-etnike. Çështja shqiptare është reale, nuk është çështje e fiksioneve romantike, por është një realitet kokëfortë. Pra procesi i asimilimit të shqiptarëve u ndërpre. Procesi i shpërnguljeve të mëdha u ndërpre. Tash mbetet vetëm njohja e realitetit.” I pyetur nëse një koncept i tillë mund të tingëllojë ekstrem dhe me pasoja për shqiptarët në një kohë që ndërkombëtarët përsërisin se nuk mund të ketë ndryshime kufijsh, Xhaferi përgjigjet: Arbën Xhaferi: “Mos ndryshimi i kufijve është një parim teknik që parandalon dhunën si mjet për ndryshim të kufijve. Ndërkaq e drejta për liri është një drejtim anente, e patjetërsueshme dhe ka përparësi mbi këtë parim teknik. Prej themelimit të Kombeve të Bashkuara deri më tani janë ndërruar mese 130 herë kufijtë në botë, dmth, në fillim ka pasur 50 shtete, sot janë 185 shtete.” Xhaferi mbështet pavarësinë e Kosovës ndaj serbëve dhe e quan vërdallosje ndaj ndërkombëtarëve variantin e pavarësisë së kushtëzuar. Arbën Xhaferi: “Çështja e pavarësisë së kushtëzuar është në esencë produkt i një vardisje politike të përfaqësuesve shqiptarë ndaj faktorit ndërkombëtar. Në këtë fazë Kosova duhet të pavarësohet nga Serbia, meqë gjithmonë me të ka pas telashe mes shqiptarëve dhe serbëve dhe rrjedhimisht ka pas konfrontime në destabilizimin më të gjera për të gjithë rajonin e Ballkanit.” I ftuar nga Instituti i Dialogut dhe i Komunikimit për të referuar në Tiranë mbi çështjet dhe krizat shqiptare, Xhaferi është ndalur dhe tek puna e qeverisë së re, së cilës sipas tij i duhet lënë kohë që të tregojë veten./tvklan.al Gazetare: Mimoza Koçiu SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/