KADMI me HARMONINE. Mitet dhe legjendat janë Fosile të Historisë;janë kujtesë kolektive njerëzore

Subscribe.“...Mitet dhe legjendat që, ndryshe sa mendohet zakonisht, nuk janë gjithmonë përralla, apo pjellë e fantazisë, por Fosile të Historisë; janë kujtesë kolektive e gjinisë njerëzore (dukuri shkencërisht e provuar.Xh.K) e vjetër prej gjashtëqindmijë vitesh; e cila ka rregjistruar ngjarje të kaluara – ndonjëherë të shtrembëruara, gjatë përcjelljes nga brezi në brez – por përherë të vërteta, ashtu si ka dëshmuar shkenca në njëqind vitet e fundit, me kusht që të vlerësohen me kodin e duhur, pa paragjykime...” Tani çfarë na thonë legjendat për Ilirët? Ndjekim njërën prej tyre. Apiani pohon në lidhje me zanafillën e tribuve ilire (Luftërat Ilire, libri X, 2): “Thuhet se ky vend e ka emrin nga Iliri, i biri i Polifemit. Ciklopi Polifem dhe gruaja e tij Galatea, kishin në të vërtetë tre djem: Keltin, Ilirin dhe Galin; të tre lanë Sicilinë dhe mbretëruan ndër popuj, të cilët për këtë arësye u quajtën keltë, ilirë dhe galatë. Midis miteve të shumta, që kanë mbizotëruar ndër shumë popuj, është ky shpjegim që më duket më i pranueshmi.” Një legjendë tjetër thotë se, Kadmi, ky pellazg nga tokat e Kananit, pasi erdhi në Beoti në kërkim të motrës së tij Europa, të rrëmbyer nga Zeusi pellazg, në pamundësi të gjetjes së saj themeloi një qytet, Tebën legjendare. Pas krijimit të qytet-shtetit të Tebës, metodë të cilën e kopjuan më pas edhe helenët, ai u martua me Harmoninë, të bijën e jashtëligjshme të dy perëndive pellazge Aresit dhe Afërditës, pasi Afërdita ishte gruaja e Hefestit. Legjenda thotë gjithashtu, se në pleqëri të tyre Kadmi dhe Harmonia erdhën në Iliri tek Enhelejtë, dhe se ata kishin një djalë që quhej Ilir. Mbi bazën e kësaj legjende, mendohet se ilirët, si pasardhës të këtij Iliri kadmik, janë pasardhës të Kadmit. Pa u përqëndruar në saktësinë ose jo të kësaj të dhëne, ne mund të themi se kjo e dhënë, indirekt, provon origjinën pellazgjike të ilirëve, pasi Kadmi është i biri Agenorit, mbretit pellazg të tokës së Kananit; ndërsa Harmonia është vajza e dy perëndive pellazge, Aresit dhe Afërditës, perëndi të cilat janë adhuruar shumë tek popujt pellazgë të Lindjes së Afërme. Ndjekim të plotë pohimin e Stipçeviq për këtë legjendë pellazgjike: “…Apollodori thotë se Kadmi, i biri mbretit fenikas Agenor, duke kërkuar motrën e vet, Evropën (këtë motër që kërkojmë sot me ngulm edhe ne shqiptarët, por ajo nuk na do), arriti së pari në Beoti dhe atje themeloi qytetin e Tebës, dhe pastaj, sipas dëshirës së orakullit, u nis tek ilirët. Pasi erdhi te ata bashkë me të shoqen e vet Harmoninë u lindi i biri Illyrios-i, të cilin menjëherë pas lindjes e mbështolli gjarpëri, duke i trasmetuar kështu fuqinë e tij magjike. Kadmi dhe Harmonia në pleqëri u shndëruan në gjarpër… …Tregimi Hitit mbi luftën e gjarpërit Illujankash…hyn tek mitet më të lashta…por ai i lexuar në pllakat e argjilit të gjetura në Bogkhzkoy (Hatusha e lashtë Hitite) është krijuar në Azinë e Vogël… …objekti prej argjili të pjekur ku paraqitet gjarpëri i mështjellë kutullaç i gjetur në Tjerrtoren e Prishtinës që i përket neolitit të vonë…Një figurinë shumë të rëndësishme analoge me këtë (të Prishtinës) e gjejmë në Mikenë…figura gjarpërinjsh prej dheu të pjekur të mbështjellë lëmsh…që i takojnë mbarimit të shekullit të XIII p.e.s, shumë më i vonshëm se ai i gjetur në Tjerrtoren e Prishtinës. Nuk mund të ketë kurrfarë dyshimi që domethënia e kultit është identike, d.m.th, se paraqet mbrojtësin e vatrës familjare…dhe se është personifikimi i shpirtit të të ndjerit, kryetarit të fisit...” Nga i gjithë ky shtjellim që bën Stipçeviq, ndoshta në mëndje ka ilirët, por në fakt po na flet dhe bën avokatinë e teorisë pellazgjike dhe dashje pa dashje, nëpërmjet këtij kulti pellazgjik tetëmijëvjeçar, është futur në rrugën e verifikimit dhe vërtetimit se popujt e Mesdheut, duke filluar që nga Lindja e Afërme, Anatolia Hitite, Mikena dhe deri në Dardani kanë qënë popuj pellazgjik. Këtu na vjen në ndihmë edhe mitologjia, e cila Ilirin e quan bir të Kadmit pellazg aziatik me Harmoninë pellazge ballkanike. Pra Iliri, duam apo nuk duam ne, del me origjinë pellazgjike. Si rrjedhojë, mund të themi se edhe ilirët janë me origjinë nga pellazgët. Ja çfarë na thotë Zaharia: “...Nga ana tjetër A.Piganol konstaton se “etruskët kanë ndjekur saktësisht rrugën e pelazgëve”. Ai mbështetet tek një legjendë, sipas së cilës, heronjtë japigë, Daunos dhe Peucetos, të bijtë e pelazgut Likaon (mjaft interesante, ilirët Daunos dhe Peucetos janë të bijtë e pelazgut Likaon; pra ilirët Apeninë janë me origjinë pellazgjike. Këtë thotë legjenda. Hajde mos jau ver veshin miteve dhe legjendave), zbritën në Itali me ushtrinë ilire...Nga ana tjetër, fakti që eponimët e fiseve të mëdha ilire paraqiten si bijtë e një pelazgu, nënvizon afërsinë dhe lidhjen e këtyre grupeve etnike mes tyre. Informohu dhe ruaj të pastër vlerën dhe kulturën e lashtë Ilirike