✍ * VƏTƏNDİR , VƏTƏN * - NAMİQ QURSALI . #şeir #şair #namiq #vətənim#qərbiazərbaycan #saz#aşıq#music

. VƏTƏNDİR , VƏTƏN Dadlıdır , tamlıdır , şirindir , baldır , Yurdum da , yuvam da Vətəndir , Vətən . Çəməndir , çiçəkdir , çələngdir , güldür , Elim də , obam da Vətəndir , Vətən . Çeşməsi qaynayan , gölləri daşan , Çayları çağlayan , selləri coşan , Dalğası kükrəyən , çölləri aşan , Suyum da , havam da Vətəndir , Vətən . Əyməsin belimi , qəddimi kədər , Yeməsin ömrümü , günümü hədər , Düşmənlə kəndimə dönənə qədər Cəbhəm də , davam da Vətəndir , Vətən . Donmayım yerimdə , çıxım yoluna , Yollanım yanına , yanım halına , Çevrilim közünə , dönüm külünə , Odum da , sobam da Vətəndir , Vətən . Namiqəm , qürbətdə qocalsam belə , Ürəyim yurdumla döyünür hələ , Ağrımı , acımı gətirir dilə : Çarəm də , davam da Vətəndir , Vətən .