Top Channel/ Kërkohet arrestimi i Agron Shehajt, Balla akuzon për marrjen e dokumenteve

Deputeti Agron Shehaj akuzohet për shkelje flagrante të ligjit për informacionin e klasifikuar në Kuvend. Në këto pamje të paprecedenta shihet Agron Shehaj i cili vrapon me marrëveshjen ndërmjet Shqipërisë dhe SHBA në duar, një dokument konfidencial i marr prej tij me forcë në një nga zyrat e Kuvendit. Sjellja e kryetarit të Partisë Mundësia e cilësuar e dhunshme dhe agresive ndaj këshilltares së Parlamentit dhe në shkelje të rregullores së kuvendit është denoncuar nga grupi parlamentar socialist ku kërkohet hetimi i deputetit Shehaj për rrëmbimin e materialit të klasifikuar. PS përmes një letre drejtuar kryetarit të Kuvendit, Niko Peleshit, kërkon referimin e menjëhershëm të Shehajt pranë SPAK për marrjen me forcë të marrëveshjes dhe dyshimit për keqpërdorimin e përmbajtjes së dokumentit. “Me dyshimet se shtetasi Agron Shehaj ka kryer veprat penale: (i) përvetësimi ose marrja e paligjshme e informacionit të klasifikuar, duke qenë se dokumenti përmban informacion që mbrohet me ligj; (ii) vjedhja ose forma të tjera të përvetësimit të paligjshëm, për shkak të mënyrës së marrjes; (iii) grabitja sepse dokumenti është marrë me përdorim force ose kërcënimi ndaj personit që e mbante; (iv) pengimi i detyrës së funksionarit publik sepse forca është ushtruar ndaj një punonjësi publik gjatë ushtrimit të detyrës; (v) dokumenti lidhet me sekretin shtetëror dhe në këtë rast mund të verifikohen edhe dispozita të posaçme për mbrojtjen e informacionit të klasifikuar, të cilat parashikojnë vepra më të rënda penale, sidomos kur veprimi cënon sigurinë kombëtare dhe personi i dyshuar mund të ketë synuar dorëzimin e këtij materiali aktorëve të tjerë, të paidentifikuar nga ne, por që duhet të hetohen nga prokurorët”. Gjithashtu vlerësohet e nevojshme masa disiplinore për përjashtimin me 60 ditë nga komisionet për përsëritjen e sjelljeve të dhunshme dhe rrezikimin e stafit të Kuvendit. Deputeti Agron Shehaj u paraqit në sallën “Gerti Bogdani” dhe në shkelje të ligjit insistoi ta merrte kopjen fizike me vete. Stafi i Kuvendit e sqaroi se, në zbatim të ligjit materiali mund të lexohej vetëm brenda sallës dhe kopja nuk lejohej të dilte prej sallës. Deputeti nuk pranoi këtë sqarim ligjor, e grabiti me forcë materialin dhe u largua bashkë më të. Këshilltarja e ndoqi deputetin dhe në përpjekje për ta ndaluar dhe ta rimarrë dokumentin, u rrëzua nga shkallët dhe pësoi lëndime të rënda, siç vërtetohet dhe nga pamjet video bashkangjitur kësaj kërkese. Agron Shehaj në një komunikim për media pranon marrjen e materialit të klasifikuar, por tërhiqet nga publikimi i saj. Në një reagim në rrjete sociale, kreu i grupit parlamentar të Partisë Socialiste Taulant Balla duke nxjerr pamjet e plota të aktit të jashtëligjshëm bën thirrje për arrestimin në flagrancë të Agron Shehajt, duke e quajtur hajdut të dokumentave të Kuvendit. Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #AgronShehaj#TaulantBalla#TopChannelNews