Br. Charles Thomas / BIOGRAPHY / සමාජ ආදරය SAMAJA ADARAYA / JANAHANDA FOUNDATION 25Jn26 ©Don Maya

SOCIAL LOVE THE LAUNCH OF THE BIOGRAPHİCAL WORK "SAMAJA ADARAYA,,, THEMED ON THE SOCIAL SERVİCE AND INTER-ETHNIC HARMONY FOSTERED BY MR. SRİ LAL DİAS, PRESİDENT OF THE JANAHANDA FOUNDATION, UK. CONTACT DETAİLS: AJİTH KUMARASİRİ- 0094 77 132 3306 HASARANGA-+94 77 199 0409 SRİLAL DİAS- EMAİL: SRİLALDİ[email protected] MOBİLE; WHATSAPP (UK): 00447534303302 සමාජ ආදරය "There's something to be learnt from everybody. We all have something to share in some way." අපි හැමෝටම හැමෝගෙන්ම ඉගෙන ගන්න යමක් තියෙනවා. අපිට පුලු පුළුවන් විදිහට අපි ළඟ බෙදා ගන්ඩ මොනවා හරි තියෙනවා.” නෑසුණු කතාවක් චරිතාපදානයක් සමාජ ආදරය ලාල්: නෑසුනු කතාවක් ISBN: 978-624-210-343-3 පළමු මුද්‍රණය: 2026 සංස්කාරක අජිත් කුමාරසිරි පිටු සැලසුම්: සමන්ත ගමගේ ප්‍රකාශනය: ජනහඬ පදනම 28, කෝපරේෂන් මාවත, හවුන්ලෝ, TW4 6AZ ලන්ඩන්, මිඩ්ල්සෙක්ස්, එක්සත් රාජධානිය. මුද්‍රණය: ග්‍රැෆිකෙයා 136, කොස්වත්ත පාර, කලපලුවාව, රාජගිරිය E-mail: [email protected] හැඳින්වීම (නන්දන වීරරත්නගේ හැඳින්වීමෙන් පහත කොටස උපුටා ගැනිණි) බ්‍රිතානි ලාංකිකයා චරිත කතා සාහිත්‍යයක් වඩා හොදින් වර්ණවත් වෙන්නේ එයට නිෂ්ප්‍රභූ කතාන්දර එකතු වීමත් සමඟය. නිෂ්ප්‍රභූන්ගේ කතා ලාංකික චරිතකතා සාහිත්‍යයට ආගන්තුකය. එසේත් නැතිනම් බහුල ව නැත. එවැනි පසුබිමක මේ නිෂ්ප්‍රභූ කතාව අධ්‍යතන චරිත කතා සාහිත්‍යයට අගනා එකතු කිරීමක් වන්නේ මෙසේ ය. මේ කතාවේ ලාංකික සංක්‍රමණිකයෙකුගේ සැබෑ ජිවන අත්දැකීම් මෙන්ම ඔහු තම ඉරණම වෙනස් කර ගැනීමට දැරූ උත්සාහයද ඇතුලත්ය. කරයි මේ කතාන්දරයෙන් වැඩි කොටසක් ලියැවෙන්නේ හවුන්ලෝ බරෝව මැදි කරගෙන ය. මේ බරෝවේ බහුතරයක් වැසියන් ආසියාතික සම්භවයක් ඇති පිරිස් ය. ඉන්දියානුවෝ හා පාකිස්ථානුවෝ ඔවුන් අතරින් කැපී පෙනෙති. ලන්ඩන් - හීරෝ, කාර්ය බහුල ජාත්‍යන්තර ගුවන්තොට බරෝව තුල පිහිටා තිබීම මෙයට එක් හේතුවක් වන්නට ඇත. හීත්රෝව අවට රැ කියා බහුල ය. දුඹුරු සංක්‍රමණිකයන්ට ප්‍රකට කළාපයකි. 1970 ගණන්වල දී අප්‍රිකාවෙන් නෙරපු ඉංදියානුවෝ ඒ අවට බැබලෙති. රටට ඇතුළු වූ සැනෙන් නන්නත්තාර වන ආගන්තුකයන්ට වැඩ කිරීමේ අයිතිය ලැබෙන තෙක් දිවි ගැට ගසා ගැනීමට අතට මුදල් ගෙවන රැකියා සුලභ ය. කවර හෝ හේතුවකට බ්‍රිතාන්‍යයට සංක්‍රමණය වූ ලාංකික පහළ මැද පංතිකයන් බහුල ව විසුවේ හවුලෝ බරෝවේ ය. බරෝව මැදිකර ගත් හවුස්සෝ නගරය අමුතුම තැනකි. මේ කතාවේ නායකයාගේ ජීවිතයේ දශක තුනකටත් වැඩි කාලයක් ගෙවෙන්නේ මේ නගරය හා බරෝව මැදි කර ගෙනය. සෞඛ්‍ය සම්පන්න නැතත් ඔබට පවුම් 2.50 ට අහමද් චිකන් බිරියානියක් මුළු බ්‍රිතාන්‍යයෙන්ම කන්නට ඇත්තේ හවුන්ලෝ නගරයක දීම පමණි. එම රියානිය වේල් දෙකකට ප්‍රමානවත් ය. එහි බටහිර හවුස්ලෝව, මධ්‍යම හවුස්ලෝව, හවුස්ලෝ හීතය හා නැගෙනහිර හවුස්ලෝව නමින් එහි කොටස් හතරකි. හීත්රෝ ගුවන්තොට අවට ඇති සවුත් හෝල්, හේස් හා ස්ලාව් යන නගරවල ද හවුන්ලෝ ගතිගුණ අඩු වැඩි වශයෙන් දකින්නට ඇත. මේ නගරවල වැඩි පුරම තිබෙන්නේ ආසියාතික බඩු විකුණන වෙළඳ සැල් ය. මේ නගරයට එන අමුත්තෙකුට ඔහු හෝ ඇය සිටින්නේ ආසියානු රටකය යන සැකය දුරු කිරීම පහසු නැත. සවුත් හෝල් නගරයේ ඔබ කවර බසකින් ප්‍රශ්ණයක් ඇසුවත් එයට පළමු පිළිතුර ලැබෙන්නේ පංජාබි බසින් ය. සලාව් හිදී මෙය උර්දු බසට මාරුවෙයි. හවුන්ග්ලෝ වේ දී එය හින්දිය බවට පත් වෙයි. මෙසේ විසාල ආසියාතික ජනකණ්ඩායමක් අතරේ ජිවත් වුවත්, ඔවුන් ඔබ හා සමාන පෙනුමෙන් යුතු වුවත් මේ ආගන්තුකයන් වැඩි දෙනෙකුට අනෙකාගේ බස නොතෙරෙයි. මේ නිසා හැම තැනක දීම ඔවුන්ගේ සම්බන්ධීකරණ භාෂාව වෙන්නේ ඉංග්‍රීසියයි. මොවුන්ගේ ආහාර ද ආගම් ද අනුව වෙනස් වෙයි. එකෙක්ට හරක් මස අපුලය. තවකෙක්ට ඌරු මස අපුල ය. තෙවන්නා නිර්මාංශික ජෛනයෙකු හෝ හින්දුවෙකු විය හැකිය. සංක්‍රමණික ලාංකිකයාට මේ කිසිවක් අපුල නැත. සමහර විට මේ සංක්‍රමණිකයන්ට සංස්කෘතික හුදකලාවක් දැනෙන්නේ මෙබඳු අනන්‍යතා ගැටළු නිසා විය යුතු ය. මහමරක්කල පටබැදිගේ ශ්‍රි ලාල් ඩයස්, මගේ මතකයට ඇතුල් වෙන්නේ 2001 අවුරුද්දේ දී ය. අප මහ ලන්ඩනයට අයත් හවුස්සෝ බරෝවේ පැවත් වූ මුල්ම සිංහල - දෙමළ අවුරුදු උත්සවයේ දිය. සංස්කෘතික හුදකලාව සිටි අපි එය ජය ගන්නට උත්සාහ කළේ මෙවැනි වාර්ෂික උත්සව හරහාය. අපේ කණ්ඩායම පටන් ගත් සිංහල - දෙමළ අලුත් අවුරුදු උත්සවය හා වෙසක් උත්සවය වසර කීපයකට වඩා පැවතුනේ නැත. හවුන්ග්ලෝ හීත් හි ආරම්භ කෙරුණු පංසල ද අවුරුදු දෙක තුනකට වඩා නොපැවතුණේය. එහි වාසයට ගෙන් වූ භික්ෂුව පෙම්වතියක සමඟ පළා යාමත් සමඟ එය ද වැසී ගියේ ය. අනෙක අපේ බලවත්ම අඩු පාඩුව වූයේ එරටේ "ආදි වාසින් " සමඟ අපට කිසිම ගනුදෙනුවක් නොතිබීම ය. අප කීප දෙනෙකු පමණක් ලංකාවේ පුරුද්දට වඩා රැඩිකල් වාමාංශික පක්ෂයක වැඩ එකතු වී සිටියත් එහි විසු ලාංකිකයෝ වැඩි දෙනෙක් කුටුම්භ සමාගම් වල සාමාජිකත්වයෙන් සෑහීමකටපත් වෙමින් සිටියහ. ආදරය බැලු බැල්මටම පැරණි යටත් විජිත හිමියාගේ මූලස්ථානයට සංක්‍රමණය වූ ලාංකිකයන් එකම ජන කණ්ඩායමක් හැටියට පෙණුනත් ඔවුහු ගැඹුරින්ම එකිනෙකාගෙන් වෙන් වී සිටියහ. පළමුව ඔවුහු පංතිමය (වෘත්තිය) වශයෙන් බෙදී සිටියහ. දෙවනුව සිංහල, දෙමළ හා මුස්ලිම් ලෙස වාර්ගික ව බෙදී සිටියහ. තෙවනුව තමන් පැමිණි ගම්පළාත් හා පාසල් අනුව බෙදී සිටියහ. මෙයින් වඩාත් බලවත් වූයේ පංතිමය බෙදීම හා වාර්ගික බෙදීමය. මැද පෙරදිග හරහා බ්‍රිතාන්‍යයට පැමිණි සිංහල සරණාගයෝ මෙන්ම දෙමළ දේශපාලන සරණාගතයෝ ද නුපුහුණු කම්කරුවෝ ය. වාර්ගික බෙදීමකින් තොරව ඉහළ කුසලතා සහිතව සංක්‍රමණය වූ ලාංකිකයන් හා ඉහත කී සරණාගත ලාංකිකයන් අතරේ බර්ලින් තාප්පයටත් වඩා උස පංති තාප්පයක් තිබුණේය. මොවුන් අතරේ තිබූ එකම සමානත්වය වූයේ මැද පංතික ලාංකිකයන් තමන්ට හුරු පුරුදු ඉංග්‍රීසිය පවුලේ මව බස කර ගනිද්දී කම්කරු පංතික ලාංකියන් බැරි මරගාතේ නිවසේ මව්බස ඉංග්‍රීසිය කර ගැනීම ය......................