YE KULAJUDEMI / ఏ కులజుడేమి /AAV SERIES 04 EP - 383 / MM KEERAVANI/SHIVANI/HINDOLA

DHANURMASA DHYANAM BHAJANAM SERIES 2023-24 - EPISODE 25 ANNAMAYYA AJARAMARA SANKEERTANALU – 25 ధనుర్మాస ధ్యానం భజనం 2023-24 ప్రత్యేక శీర్షిక . అన్నమయ్య అజరామర సంకీర్తనలు - 25 🌺🍃 ---------------- 🍃🌺 అన్నమయ్య అక్షరవేదం ..సంపుటి -- 383 ( ఏ కులజుడేమి యెవ్వడైననేమి ... ) 🌺🍃 ---------------- 🍃🌺 ఓం నమో వేంకటేశాయ. 🙏 అన్నమయ్య అక్షర వేదం ..సంపుటి -- 383 కి శుభ స్వాగతం ..🙏 ప్రార్థన ః--🌹🙏 నిర్మల చిత్తము సడలక , నర్మిలితో సాటి మనుజులందరి లోనన్ మర్మముగా హరిని గనుచు, గర్మఫలం బాశలేని ఘనునిదె కులమౌ ! 🌹🌹 మలినరహితుండె వేద్యుడు , కులుమును జెప్పుకొన నెవడు కోవిడుడౌనే ? కులమన నొకటె హరికులము కలియుగ దైవమును గోరు ఘనుడే ఘునుడోయ్ ! 🌹🙏🌹 ✍️ స్వీయపద్యములు ( కందము ) 🌹🌹 మనస్సులోని పవిత్రతను చెదరనివ్వకుండా , ప్రేమముగా సాటి వారి యందరిలోనూ ఆ పరమాత్ముడైన శ్రీహరి కొలువై ఉన్నాడన్న రహస్యమును సదా గురుతెరిగి , కర్మఫలాలపై ఆశలేక అంతా భగవత్ప్రసాదమని భావించే గొప్పవాడిదే కులమంటే .🙏 🌹🌹 కల్మషమెరగని వాడే గౌరవనీయుడు . మా కులము ఇది అని చెప్పుకుని ఎవడూ గొప్పవాడు కాలేడు . కులమంటే ఒక్కటే ఉన్నది ! అందరమూ పరమాత్ముని శరణాగతులమనే కులము !!🙏 కలియుగదైవమైన ఆ శ్రీ వేంకటేశ్వరుని సదా కోరుకునే వాడొక్కడే గొప్పవాడు , ధన్యుడు ! 🙏 చెప్పుకోవటానికి గొప్ప కులమనగా ఈ గుణములు గలిగిన వారే ! వారు ఎవరైతే నేమి పూజనీయులే )🙏 🌹🙏🌹 🌺🍃 ---------------- 🍃🌺 అన్నమాచార్యుల వారు హరిభక్తి నిండుగా కలిగి , సుజ్ఞానమును గ్రహించి , ధర్మబద్ధముగా జీవితాన్ని గడిపేవారు అందరూ గొప్పవారే , వారి కులగోత్రములతో పనిలేదు , వారు హరిని పొందినవారే అవుతారు గావున పూజనీయులే అని చక్కని బోధ చేస్తున్నారు .🙏 కులమతాల గొప్పలకు పోకుండా ఎటువంటి జీవితము గడపాలో చక్కగా వివరించారు ఈ కీర్తనలో .🙏 బహుళ ప్రజాదరణ పొందిన ఈ కీర్తన అర్థము తెలుసుకుని పాడుకుందామా ! 👇 🌺🍃 ---------------- 🍃🌺 🌹🌹 ఏ కులస్థుడైతే ఏమిటి , అసలు ఆ మాటకొస్తే ఎవరైతే నేమిటి ? తన చిట్టచివరి దశవరకూ , పరమాత్ముడైన ఆ శ్రీహరిని బాగుగా తెలుసుకుని ఆతని ధ్యాసలోనే ఉండే ఎవరైనా గొప్పవారే వందనీయులే ! 🙏 🌹🌹 సత్యమునే సంపదగా భావించి ప్రవర్తిల్లు వాడు , పరదూషణ చేయు మనస్సు లేనివాడు , అన్ని ప్రాణుల యందూ అపారమైన దయ కలిగిన అరుదైన గుణము కలిగినవాడు , తోటి వారిలో కూడా తననే చూచుకుని అందరినీ గౌరవించేవాడు , అటువంటి సద్గుణుడు ఏ కులమువాడైతే ఏమిటి ఎవడైతే నేమిటి గౌరవనీయుడే !!🙏 🌹🌹 మనస్సుకు ఏ మలినములనూ అంటనివ్వని వాడు , అంతరాత్మకు సదా ఒడబడి నడుచుకునే వాడు , ధర్మమందే మనస్సును నిల్పుకునే బుద్ధి గలవాడు , తన కర్మ బంధనాలకు బద్ధుడు గాక అంతా పరమాత్ముని లీలగా అతని ప్రసాదమనుకునే వాడు , అతి రహస్యమైన పరమాత్మ తత్వము ఆ శ్రీహరియే అని బాగుగా తెలుసుకుని ఎప్పటికీ అది మరువకుండా ఉండేవాడు , అట్టి జ్ఞాని ఏ కులస్తుడైతే ఏమిటి , ఎవడైతే నేమిటి పూజనీయుడే ! 🙏 🌹🌹 ఈ భూమిపై , మంచిచేస్తూ ,అందరి మేలునూ కోరుచూ నడిచేవాడు , పగ ద్వేషము అన్నది మచ్చుకైనా మదిలో లేని వాడు , అన్ని భౌతిక బంధనాలనుంచీ మనసుతో విముక్తుడై , అంతా ఆ పరమాత్ముడే అని గ్రహించి , అతడే అంతరాత్మ అని గ్రహించిన వాడు , ఆ శ్రీ వేంకటేశ్వరునికి దాసుడై ఆతనితోనే బంధమునేర్పరుచుకున్నవాడు , అట్టివాడు ఏ కులస్తుడైతే ఏమిటి ,ఎవడైతే నేమిటి అతడు హరిదాసుడు కావున ధన్యుడు , వందనీయుడే !🙏 🌹🙏🌹 ఓమ్ శ్రీ అలమేలుమంగా సమేత శ్రీ వేంకటేశ్వర స్వామినే నమః !🙏 తాత్పర్య సహిత దృశ్య మాలికగా మీకు అందించాలన్న నా చిన్న ప్రయత్నమును ఆశీర్వదిస్తారని ఆశిస్తూ..🙏 దోషములున్న...మన్నించమని విన్నపము... 🙏 ( అన్నమయ్య అక్షర వేదం --- సంపుటి 383 ) ✍️ -- వేణుగోపాల్ యెల్లేపెద్ది 🙏 🌹🌹 సంకీర్తన 🌹🌹 ఏ కులజుడేమి యెవ్వడైననేమి ఆకడ నాతడే హరినెఱిగినవాడు // ఏ కులజుడేమి // పరగిన సత్యసంపన్నుడైన వాడే పరనిందసేయ తత్పరుడు కాని వాడు అరుదైన భూతదయానిధి యగువాడే పరులు తానేయని భావించువాడు // ఏ కులజుడేమి // నిర్మలుడై యాత్మనియతి గలుగువాడే ధర్మతత్పర బుద్ధి తగిలినవాడు కర్మమార్గములు గడవని వాడే మర్మమై హరిభక్తి మఱవని వాడు // ఏ కులజుడేమి // జగతిపై హితముగా చరియించువాడే పగలేక మతిలోన బ్రదికినవాడు తెగి సకలము నాత్మ తెలిసినవాడే తగిలి వేంకటేశు దాసుడయినవాడు // ఏ కులజుడేమి // 🌹🙏🌹🙏🌹 #YEKULAJUDEMI #ఏకులజుడేమి #annamacharya #annamacharyakeerthanalu #annamayya #annamayyaaksharavedam #annamayyasongs #అన్నమయ్య #అన్నమాచార్య #annamayyakeerthanalu #annamayyakeerthana #ధనుర్మాసం #dhanurmasam #dhanurmasamspecial #dhanurmasamdhyanambhajanam #mmkeeravani #mmkeeravaani