د پاکستان له مرګونو ګوزارونو وروسته، ملګرو ملتونو ويلي جګړه دې سملاسي ختمه شي - بي بي سي نړۍ دا وخت

ملګرو ملتونو وروسته له هغه د غليمانه کړو وړو سملاسي پای غوښتنه کړې، چې وړمه شپه افغانستان کې د پاکستان هوايي ګوزارونو ملکي وګړي ووژل. د طالبانو حکومت رسمي احتجاج کړی، پر پاکستان يې تور لګولی، چې د افغانستان پر خپلواکۍ يې تېری کړی، کونړ، پکتيا او پکتيکا کې يې ملکي وګړي په نښه کړي دي. طالبانو د اسلام اباد دا ادعاوې هم رد کړې، چې دوی دې د کرښې بلې غاړې اورپکو ته پټنځايونه ورکړي وي. د هند بهرنيو چارو وزارت د پاکستان دغو بريدونو غندنه کړې، روښانه تېری يې بللی، او يوه اعلاميه کې یې ويلي دا د افغانستان پر خپلواکۍ بريد دی، او د سيمې امنيت او کرارۍ ته یې خطر بللی دی. د ملګرو ملتونو ويان سټيفان ډوجارېک، وايي سرمنشي انتونيو ګوتېرېش د جګړې سملاسي پای غوښټنه کړې، او دا چې د ملکيانو ساتنې ته دې پام وشي. د ملګرو ملتونو ماشومانو صندوق یونېسف ويلي، دغو بريدونو کې د ماشومانو مرګژوبلې په اړه په ژوره بوږنېدلي، او پر ټولو اړخونو یې غږ کړی چې د ملکيانو ساتنې سره په تړاو دې پر خپلو مسئوليتونو ودرېږي. اروپايۍ‌ټولنې بیا د ملکيانو بشپړې ساتنې غږ کړی، او دا چې ترينګلتيا دې سملاسي کمه شي. د اروپايۍ ټولنې وياند ويلي، بشري قانون ته دې تل پام وشي. پکتیا کې بيا د پاکستان بريدونو کې د وژل شوو ډله ييزې جنازې شوې دي. دا خپرونه امان الله عطا وړاندې کوي. #BBCPashto #BBCPashtoTV #BBCNarayDaWakht 0:00 بي بي سي نړۍ دا وخت 0:07 د سر خبر 0:27 پر افغانستان د پاکستان هوايي ګوزارونو پر وړاندې غبرګونونه 3:01 پکتيا کې د پاکستاني بريد قربانيانو ډله ييزې جنازې 5:00 پکتيا کې د زيانمنې شوې سيمې خلکو خبرې 5:54 د دواړو هېوادونو ترمنځ حالت څنګه سمېدی شي؟ 7:38 پر روسيې د اوکرايين بريد 8:00 وېنزوېلا کې د زلزلې زيانمنو شوو حال 10:44 د امريکا سترې محکمې پرېکړه 11:22 اروپا کې د ناټو يوه قوماندان خبرې 11:50 د ټېلېسکوي ژغورلو لپاره د ناسا ماموريت 12:18 د فوټبال نړيوال جام خبر 12:53 د فوټبال سياليو کتل يې پر مينه والو څه اغېز لرلی شي؟ 16:18 اقتصاد، اوونيزه خپرونه Subscribe for more videos: https://www.youtube.com/c/BBCPashto?s... Youtube:    / @bbcpashto   Like us on Facebook:   / bbcpashto   Follow us on Twitter:   / bbcpashto   Instagram:   / bbcpashto