東張西望｜19歲少女打消脂針慘變胸部下垂下集 醫美中心經理反指事主改變注射位置

【東張西望】19歲少女打消脂針慘變胸部下垂下集 醫美中心經理反指事主改變注射位置 早前講到，《東張》收到一位19歲少女報料，指控一家醫美中心提供嘅消脂針問題嚴重，原本想減手臂「拜拜肉」，點知打完慘變胸下垂，無法自行恢復。 打針至今已經兩個月，事主表示情況冇改善之餘反而更嚴重，皮膚甚至出現皺紋，整形外科醫生陳肖龍推測係因為注射後出現嚴重嘅發炎反應所引致，並提供幾個胸部修正建議。 就呢次事件事主已經報警，亦向醫委會投訴，同時亦嘗試搵醫生寫報告，但處處碰壁；甚至將經歷擺上社交平台之後疑似被威脅「唔好同資本對抗」！ 喺《東張》攝製隊安排下，事主親身上醫美中心同經理對質。事主指控療程草率，而經理則聲稱注射位置是按照事主要求所選擇，並重申該消脂針在港獲註冊，且獲歐盟認證。但當事主要求醫生現身交待時，經理卻以不同理由推搪。 大律師陸偉雄就事件為事主提供法律索償意見，而事主最終亦搵到專科醫生做診斷。但事至如此，即使追索到賠償，曾經讓事主引以為傲嘅胸部亦已經一去不返，如今事主只想有人能夠擔責，有人引以為鑑。 #東張西望 #TVB #消脂針 #醫學美容 #社會 #民生 #時事 東張西望為你直擊香港民生時事：https://bit.ly/35Ba1zK 想免費睇番呢集嘅精彩內容？登入myTV SUPER免費點播最近7日TVB自製節目：https://su.tvb.com/q/eAHttNqm