ઉર્જા રાજ્યમંત્રી શ્રી કૌશિકભાઈ વેકરિયાની ઉપસ્થિતિમાં સૂત્રાપાડા ખાતે લોકાર્પણ અને ખાતમૂહુર્ત યોજાયા

ઉર્જા રાજ્યમંત્રી શ્રી કૌશિકભાઈ વેકરિયાની ઉપસ્થિતિમાં આજે સૂત્રાપાડા ખાતે રૂ. ૬૦.૪૩ કરોડના ખર્ચે તૈયાર થયેલ એમ.વી.સી.સી. કેબલ પ્રોજેકટનું લોકાર્પણ અને રૂ.૩૩ કરોડના ખર્ચે તૈયાર થનાર લેટિસ પોલ નેટવર્કનું ખાતમુહૂર્ત સંપન્ન થયું હતું. સૂત્રાપાડા ખાતે આવેલી પી.જી.વી.સી.એલની પેટા વિભાગીય કચેરી ખાતે યોજાયેલા આ કાર્યક્રમમાં સંબોધન કરતા ઉર્જા રાજ્યમંત્રી શ્રી કૌશિકભાઈ વેકરિયાએ જણાવ્યું હતું કે, દરિયાઈ વિસ્તારમાં સાતત્યતાપૂર્ણ વીજ પુરવઠો પૂરો પાડવા માટે વીજવિભાગ કટિબદ્ધ છે.