Çfarë fshihet në Hagë për gjyqin e Thaçit dhe ish krerëve të UÇK? Krasniqi i zbulon në libër

Shkrimtari Agim Krasniqi ishte i ftuar këtë të martë në studion e QUO VADIS në Vizion Plus. Ai ndau detaje nga hulumtimi i tij mbi funksionimin e drejtësisë penale ndërkombëtare dhe procesin gjyqësor në Hagë ndaj ish-krerëve të Ushtria Çlirimtare e Kosovës. Krasniqi tha se në librin e tij ka analizuar procedurat që çuan në ngritjen e Dhomave të Specializuara, si edhe historikun e çështjes shqiptare dhe karakterin e luftës çlirimtare të UÇK-së. Pjesë nga biseda: Borakaj: Çfarë keni zbuluar ju nga ky hulumtim? Krasniqi: E kam trajtuar si funksionon sistemi ndërkombëtar i drejtësisë, respektivisht drejtësisë penale. Për ta studiuar këtë sistem, më është dashur të hyj në historikun e çështjes, sepse duhet të dimë se kush e ka dhënë këtë produkt. P.sh. dhomat e specializuara të Gjykatës së Hagës; si ka rrjedhur ecuria, kur janë zbatuar normat ndërkombëtare dhe kur nuk janë zbatuar ato. Sidomos më ka interesuar te çështja e shqiptarëve, zanafilla e problemit shqiptar deri te zgjidhja e mundshme apo zgjidhja përfundimtare e luftës çlirimtare të Ushtrisë Çlirimtare të Kosovës dhe karakteri i saj. Borakaj: Kujt i shërbeu kjo gjykatë? Kujt t'i shërben kjo gjykatë? Krasniqi: Kjo është standart ndërkombëtar. Bashkësia ndërkombëtare ka edhe atë aspektin moral të qasjes së çështjeve të caktuara, konflikteve të caktuara dhe asnjë nuk mund të jetë i papërgjegjshëm, për shembull, për krime të cilat mund të ndodhin në një konflikt të caktuar. Bashkësia Ndërkombëtare funksionon mbi bazën e këtij parimi. Dhe pse është ngritur gjykata speciale, nuk e kam kundërshtuar ngritjen e saj, mirëpo kam analizuar procedurën. Një “talk show” i vendosur në një orar “prime time”, çdo të martë dhe të enjte ora 21:00 që në thelb nuk synon ti shtohet numrit të madh të emisoneve të aktualitetit politik, më tepër sesa ka si objektiv të sjell një trend të ri të komunikimit publik në studiot televizive. Formati “face to face” synon të përcjell mesazhe të drejtëpërdrejta dhe lehtësisht të perceptueshme nga publiku. #quovadis #vizionplustv #pranveraborakaj