Lodradenta (TPI, 2005) - H. Asep Sunandar Sunarya

Pagelaran wayang golék Giriharja 3 pingpinan Ki Dalang H. Asep Sunandar Sunarya ieu mangrupakeun pagelaran live di Studio Televisi Pendidikan Indonesia antara taun 2005 - 2007. Harita mah Giriharja 3 dikontrak ku TPI pikeun ngagejrak dua minggu sakali. ================================= Sinopsis Ki Dalang Pa H. Asep Sunanda Sunarya dina pagelaran ieu nyandak carios Lodradenta. Carios aslina mah Bayu Suta Pawana. Sinigeug di Karaton Astinapura, Resi Dorna meunang pancén ti Raja Astina, Prabu Duryudana pikeun ngumpulkeun sakur pejabat karajaan saperti Adipati Karna ti Awangga, Jayarata ti Wanakeling sarta dedengkot para Kurawa. Dina gempungan éta aya hadir bangsa denawa nyaéta Lodradénta, kapercayaanana Prabu Duryudana. Resi Dorna ngedalkeun hasil gempungan saméméhna nu dihadiran ku Prabu Duryudana, Resi Bisma, Patih Sangkuni jeung Resi Dorna. Nu disawalakeun dina gempungan para tokoh karajaan nyaéta ngeunaan kondisi nagara nu keur ngalaman krisis multidiménsi. Nagara harénghéng teu eureun-eureun, rahayat ngamarudah nu antukna muncul krisis kapercayaan rahayat ka pamaréntah. P Pikeun nungkulan kondisi nagara nu keur krisis kitu aya solusi nu kudu dijalankeun dumasar impian raja. Nagara bisa balik deui ka normal mun di alun-alun nagara ngaruang uteuk Semar Badranaya. Solusi éta teu disatujuan ku Adipati Karna, nu antukna Karna dihurup ku wadyabalad Kurawa. Nyanghareupan para Kurawa mah Karna jelas unggul. Tapi waktu nyanghareupan Lodradénta, Adipati Karna teu walakaya, Karna dibalangkeun ka awang-awang nu ahirna ragrag dihiji leuweung. Carios lengkepna mangga bandungan dugi ka réngsé. Mudah-mudahan pintonan wayang golék ieu janten pieunteungeun ka urang sadayana, teu sakadar hiburan tapi malah mandar tongtonan jadi tungtunan, gogonjakan ulah jadi éjékan anggursi jadi ajakan demi kokohna persatuan jeung kesatuan bangsa. Teu hilap ka nu teu acan subscribe channel pribados nu énggal ieu mangga subscribe, share, like, koméntar sareng pencét loncéngna supados uninga pami aya aplodan anu énggal. Salajengna urang sadayana kintun du’a ka almarhum Pa H. Asep Sunandar Sunarya kalih para nayaga GH3 nu tos ngarantunkeun, mugia para almarhum ditampi iman islamna, dihapunten dosa-dosana, dicaangkeun di alam kuburna, dipaparinan tempat anu mulya mungguhing Allah Swt,. Aamiin Ya Robbal Alamin. Wassalamualaikum Wr. Wb.