M.F.K Foibe: “Mila mivavaka ho an’ny Firenena isika na dia ao anaty ady sarotra aza” Torit.0362/2026

Miarahaba antsika rehetra manaraka izao Fampaherezana izao amin’ny anaran’i Jesosy Kristy hatrany ny tenako. Manindry hatrany isika fa andro farany izao dia misy ny famitahana ary Satana no ao ambadik’ izany rehetra izany (II Petera 2:1-3, II Timoty 3:1-5). Ary vokatry ny ataon’ny kristiana dia ianaran’ny mpanao pôlitika ihany koa izany satria mieritreritra ny rehetra fa tsy hisy valiny ny ratsy ataony, nefa mbola mamindra fo Atra Mpitoriteny 8:11-13. Miavaka kosa anefa ny olona mahatoky Azy (Malakia 3:17-18). Inona ary ny tokony atao? “Mila mivavaka ho an’ny Firenena isika na dia ao anaty ady sarotra aza” Jeremia 29:7, satria fantan’ny devoly fa kely sisa androny dia mamitaka izy (Apokalypsy 12:12). Mahereza hatrany rahalahy sy ranabavy. Pasteur ANDRIAMALALA Rodin!