Οι ε', η' καί θ' Ωδές Κανόνος Μεγάλης Παρασκευής

Χορός Βατοπαιδινών Πατέρων - Οι ε', η' καί θ' Ωδές του Κανόνος της Μεγάλης Παρασκευής , Ήχος πλάγιος του β' Ωδή ε' Ο Eιρμός «Πρός σέ ορθρίζω, τόν δι' ευσπλαγχνίαν σε αυτόν, τώ πεσόντι κενώσαντα ατρέπτως, καί μέχρι παθών, απαθώς υποκύψαντα, Λόγε Θεού. Τήν ειρήνην παράσχου μοι φιλάνθρωπε.» Δόξα... «Ρυφθέντες πόδας, καί προκαθαρθέντες, μυστηρίου μεθέξει, τού θείου νύν Χριστέ, σού οι υπηρέται, εκ Σιών ελαιώνος, μέγα πρός όρος συνανήλθον, υμνούντές σε φιλάνθρωπε.» Καί νύν... «Οράτε έφης, φίλοι μή θροείσθε, νύν γάρ ήγγικεν ώρα, ληφθήναί με κτανθήναι χερσίν ανόμων, πάντες δε σκορπισθήσεσθε, εμέ λιπόντες, ούς συνάξω, κηρύξαί με φιλάνθρωπον.» Καταβασία «Πρός σέ ορθρίζω, τόν δι' ευσπλαγχνίαν σε αυτόν, τώ πεσόντι κενώσαντα ατρέπτως, καί μέχρι παθών, απαθώς υποκύψαντα, Λόγε Θεού. Τήν ειρήνην παράσχου μοι φιλάνθρωπε.» Ωδή η' Ο Eιρμός «Στήλην κακίας αντιθέου, Παίδες θείοι παρεδειγμάτισαν, κατά Χριστού δέ φρυαττόμενον άνομον συνέδριον, βουλεύεται κενά, κτείναι μελετά, τόν ζωής κρατούντα παλάμη, όν πάσα κτίσις ευλογεί δοξάζουσα εις τούς αιώνας.» «Δόξα Σοι Ο Θεός ημών, δόξα Σοι. Από βλεφάρων Μαθηταί, νύν ύπνον έφης Χριστέ τινάξατε, εν προσευχή δέ γρηγορείτε, πειρασμώ μήπως όλησθε, καί μάλιστα Σίμων, τώ κραταιώ γάρ μείζων πείρα, γνώθί με Πέτρε, όν πάσα κτίσις, ευλογεί δοξάζουσα εις τούς αιώνας.» «Δόξα Σοι Ο Θεός ημών, δόξα Σοι. Βέβηλον έπος τών χειλέων, ού ποτε προήσομαι Δέσποτα, σύν σοί θανούμαι ως ευγνώμων, κάν οι πάντες αρνήσωνται, εβόησε Πέτρος, σάρξ ουδέ αίμα, ο Πατήρ σου απεκάλυψέ μοι σέ, όν πάσα κτίσις ευλογεί δοξάζουσα εις τούς αιώνας.» «Ευλογούμεν Πατέρα, Υιόν καί Άγιον Πνεύμα τον Κύριον. Βάθος σοφίας θεϊκής, καί γνώσεως ου πάν εξηρεύνησας, άβυσσον δέ μου τών κριμάτων, ου κατέλαβες άνθρωπε, ο Κύριος έφη. Σάρξ ούν υπάρχων, μή καυχώ, αρνήση τρίτον γάρ με, όν πάσα κτίσις, ευλογεί δοξάζουσα εις τούς αιώνας.» Καί νύν... «Απαγορεύεις, Σίμων Πέτρε, όπερ πείση τάχος ως είρηται, καί σοί παιδίσκη, οία θάττον προσελθούσα πτοήσει σε, ο Κύριος έφη, πικρώς δακρύσας, έξεις όμως ευϊλατόν με, όν πάσα κτίσις, ευλογεί δοξάζουσα εις τούς αιώνας.» «Αινούμεν, ευλογούμεν, καί προσκυνούμεν τόν Κύριον.» Καταβασία «Στήλην κακίας αντιθέου, Παίδες θείοι παρεδειγμάτισαν, κατά Χριστού δέ φρυαττόμενον άνομον συνέδριον, βουλεύεται κενά, κτείναι μελετά, τόν ζωής κρατούντα παλάμη, όν πάσα κτίσις ευλογεί δοξάζουσα εις τούς αιώνας.» Ωδή θ' Ο Ειρμός «Τήν τιμιωτέραν τών Χερουβίμ, καί ενδοξοτέραν, ασυγκρίτως τών Σεραφίμ, τήν αδιαφθόρως, Θεόν Λόγον τεκούσαν, τήν όντως Θεοτόκον, σέ μεγαλύνομεν.» «Δόξα Σοι Ο Θεός ημών, δόξα Σοι. Ολέθριος σπείρα θεοστυγών, πονηρευομένων, θεοκτόνων συναγωγή, επέστη Χριστέ σοι, καί ως άδικον είλκε, τόν Κτίστην τών απάντων, όν μεγαλύνομεν.» «Δόξα Σοι Ο Θεός ημών, δόξα Σοι. «Νόμον αγνοούντες οι ασεβείς, φωνάς Προφητών τε, μελετώντες διακενής, ως πρόβατον είλκον, σέ τόν πάντων Δεσπότην, αδίκως σφαγιάσαι, όν μεγαλύνομεν.» Δόξα... «Τοίς έθνεσιν έκδοτον τήν ζωήν, σύν τοίς Γραμματεύσιν, αναιρείσθαι οι Ιερείς, παρέσχον, πληγέντες, αυτοφθόνω κακία τόν φύσει Ζωοδότην, όν μεγαλύνομεν.» Καί νύν... «Εκύκλωσαν κύνες ωσεί πολλοί, εκρότησαν, Άναξ, σιαγόνα σήν ραπισμώ, ηρώτων σε, σού δέ, ψευδή κατεμαρτύρουν, καί πάντα υπομείνας, άπαντας έσωσας.» Καταβασία «Τήν τιμιωτέραν τών Χερουβίμ, καί ενδοξοτέραν, ασυγκρίτως τών Σεραφίμ, τήν αδιαφθόρως, Θεόν Λόγον τεκούσαν, τήν όντως Θεοτόκον, σέ μεγαλύνομεν.»