വയനാടൻനാളുകളുടെ അവസാനപുറങ്ങളിലേക്ക് | സാരംഗിന്റെ ചരിത്രം | ഭാഗം12 | History of Sarang

ഭൂരിപക്ഷത്തിനു ഗുണം ചെയ്യുന്ന ഒരു സാമൂഹ്യമാറ്റവും ഭരണം മാറുന്നതുകൊണ്ടു സംഭവിക്കാൻ പോകുന്നില്ല. ലോകത്ത് ഒരിടത്തും അങ്ങനെ സംഭവിച്ചിട്ടുമില്ല. രാഷ്ട്രീയകക്ഷികൾക്കും അതിലെ മേലാളന്മാർക്കുമാണ് ഭരണമാറ്റം കൊണ്ടു ഗുണം കിട്ടുന്നത് . ഭൂരിപക്ഷത്തിനു ഗുണം കിട്ടുന്ന സാമൂഹ്യമാറ്റം സംഭവിക്കണമെങ്കിൽ വിദ്യാഭ്യാസം മാറണം. ശരിയായ വിദ്യാഭ്യാസം ശരിയായ കാഴ്ചപ്പാടുകൾ ഉണ്ടാക്കും. ശരിയായ കാഴ്ചപ്പാടുകൾ ശരിയായ സാമൂഹ്യമാറ്റമുണ്ടാക്കും. വയനാട്ടിലെ സാമൂഹ്യസാഹചര്യങ്ങളിൽ നിന്ന് ഞങ്ങൾ പഠിച്ച പ്രധാന സാമൂഹ്യപാഠങ്ങൾ അതായിരുന്നു. ആ സാമൂഹ്യ പാഠങ്ങളിൽ കാലൂന്നി നിന്നുകൊണ്ടാണ് ഞങ്ങളുടെ വിദ്യാഭ്യാസകാഴ്ചപ്പാടുകൾ ഞങ്ങൾ കരുപ്പിടിപ്പിച്ചത്. ഞങ്ങളുടെ വയനാടൻനാളുകളുടെ അവസാനപുറങ്ങളിലേക്ക്, ഞങ്ങളുടെ കഠിനമായ സമരങ്ങളുടെ കനൽപ്പാതകളിലേയ്ക്ക്.