Publikohen dy audio-përgjime ku flitet për ish-ministrin Saimir Tahiri dhe audin AA 003 GB

Portali Politiko.al, mbrëmjen e të mërkurës ka publikuar dy materiale audio ku flitet gjerësisht për makinën e Saimir Tahirit, ministër i Brendshëm në atë kohë, që ‘ndërroi duar’ duke iu kaluar Habilajve. Në disa raste bashkëbiseduesit i referohen Samirit si ‘ai kushëriri ynë’ . Audio 1 B1: …Se ke edhe shumë punë këtu i tha. Pse, i tha Moisiu, nuk janë njerëz të mirë këta? Çfarë njerëz të mirë, ata janë bastardë, i tha. Eee, kështu si thoni ju ata janë bastardë, tha Moisiu. Moisiu për të nxjerrë sytë, ngacmonte ata. O vëlla, i thashë unë, i fola shqip, thuaj i thashë, se unë i njoh më mirë se sa juve; më mori punën para dy muajsh. (Qeshin) Qeshte Moisiu, o (emër italian, nuk kuptohet), çfarë tha ky çfarë tha ky, çfarë tha ky? Lëre tha, karton, tha. Vajta atje, më thoshte pronari mua, se pronari kishte folur me Saimirin…që i kishte ashtu kostumin. Eeeeeeee.