Top News - Vrasja në Shkodër për hesapet e vjetra/Viktima i shpëtoi një atentati në vitin 2020

Të shtëna kallashnikovi u dëgjuan mëngjesin e kësaj të marte në Shkodër, ku u ekzekutua Nazmi Bandulla, një person me precedentë të mëparshëm penalë. Ai rezulton në dosjet policore i përfshirë në një sërë ngjarjesh kriminale, duke filluar nga vrasje e deri në trafikim vajzash për prostitucion. Nazmi Bandulla ishte duke konsumuar kafen e mëngjesit, vetëm pak metra larg banesës së tij në lagjen ‘Partizani’ në Shkodër, në momentin kur një automjet kaloi pranë vendit ku ndodhej 55 vjeçari dhe e qëlloi nga xhami i makinës me breshëri plumbash. Autori u largua me shpejtësi nga vendngjarja, duke lënë pas vetëm gëzhojat dhe njollat e gjakut. Fill pas atentatit, mbërritën efektivët e policisë, të cilët po vijojnë krehjen e zonës, për të ndërtuar dinamikën e plotë të ngjarjes. Janë disa pista në të cilat janë fokusuar hetimet e policisë, nisur nga e shkuara e errët e Nazmi Bandullës. Vendosja e një tritoli pranë automjetit të viktimës në 26 dhjetor të vitit 2020, paralajmëroi atentatin e kësaj të marte, megjithatë aso kohe Bandulla dëshmoi pranë efektivëve të policisë se ishte një person jo konfliktual dhe nuk ishte në dijeni se kush mund ta kishte vendosur sasinë e tritolit pranë makinës së tij tip fouristradë X5. Në vitin 2012, Nazmi Bandulla ra në prangat e policisë së Shkodrës, pas një konflikti pronësie me të vëllain, të cilin e kërcënoi me armë zjarri. Gjithashtu dyshohet se 55 vjeçari është implikuar në trafikim vajzash dhe gra për prostitucion si dhe vrasje. Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #Vrasja#Shkodër#TopChannel