Gjithmonë në rrugë

34 vjeçari Qiu Li ka lindur dhe është rritur në Linan, një zonë rurale në Kinën Lindore. Në kohën kur të rinjtë në mbarë globin largohen nga zonat rurale, Qiu Li ka vepruar në mënyrë të kundërt. Fill pas diplomimit në Universitetin e Zhejiang-ut, një ndër shkollat e larta më të mira në Kinë, ai u kthye në vendlindje në fshat dhe ngriti një kompani bujqësore, me pataten e ëmbël të vogël si produkt kryesor. Sivjet kompania e tij mbush 10 vjeç. Në Linan toka e punueshme është shumë e rrallë dhe e shpërndarë. Fitimi nga bujqësia nuk është gjë e lehtë. Ndërkohë, bujqësia është një degë me rreziqe të mëdha. Qiu Li ka pësuar dëmtimin e mbjelljeve nga fatkeqësitë natyrore. Megjithatë, ai nuk hoqi dorë nga bujqësia dhe ka këmbëngulur te kjo degë me mbështetjet nga bashkëfshatarët dhe nga politikat e favorshme. Vitet e fundit, nën drejtimin e pushtetit vendor, ai ka përdorur shumë makinë bujqësore, duke nxitur prodhimin masiv të patates së ëmbël të vogël. 80 % e procesit të prodhimit është mekanizuar tashmë. Krahas shitjes së produkteve të veta, Qiu Li i ndihmon fermerët përreth në shitjen e produkteve të tyre bujqësore, dërgimin e produkteve me postë të shpejtë dhe lidhjen me blerjen në grup, duke krijuar një atmosferë fqinjësie. Qiu Li tha: “Dua që dega e bujqësisë të ketë një zhvillim aftgjatë. Më pëlqen bujqësia. Mund ta ndryshoj këtë profesion vetëm nëse nuk mund ta siguroj jetesën me të.” #makinëbujqësore #bujqësi #zonarurale #rigjallërimrural #Zhejiang #Linan #kulturakineze #begatiepërbashkët