မြစ်ခြေမြို့မှာ စစ်တပ်ရဲ့လက်ကနေ လွတ်မြောက်လာတဲ့ ရဟန်းသံဃာတစ်ပါး နဲ့ ပြည်သူတစ်ဦးရဲ့ ရုပ်သံမှတ်တမ်း

မြစ်ခြေမြို့မှာ အကြမ်းဖက်စစ်တပ်လက်ကနေ လွတ်မြောက်လာတဲ့ ရဟန်းသံဃာတစ်ပါး နဲ့ ပြည်သူတစ်ဦးရဲ့ ရင်ဖွင့်လာတဲ့ ရုပ်သံမှတ်တမ်း မကွေး၊ ဇွန် ၁၄ ၊ Horizons မြစ်ခြေမြို့ဆိုတာ ဧရာဝတီမြစ်ဘေး၊ သမိုင်းဝင်ဗူးဘုရားရဲ့တစ်ဖက်ကမ်းက ရှိနေတဲ့ မြို့လေးတစ်မြို့ပါ။ အဲဒီမြို့လေးမှာ အကြမ်းဖက်စစ်တပ်က အရပ်သားပြည်သူတွေကို သတ်ပစ်ခဲ့သလို ပြည်သူနေအိမ်တွေကို အကြိုက် မီးရှို့ဖျက်ဆီးခဲ့ပါတယ်။ ဒီလိုအခြေအနေဆိုးကြီးထဲက အကြမ်းဖက်စစ်တပ်ရဲ့ သတ်ဖြတ်တာကို မခံနိုင်ဘဲ “ သေရင် မြေကြီး ရှင်ရင် ရွှေထီး” ဆိုတဲ့ စကားအတိုင်း ထွက်ပြေးလွတ်မြောက်လာတဲ့ ရဟန်းသံဃာတစ်ပါး နဲ့ ပြည်သူတစ်ယောက်ရုပ်သံအင်တာဗျူးကို ကျွန်တော်တို့ Horizons News က လက်ခံ ရရှိခဲ့ပါတယ်။ အများပြည်သူတွေ သိရှိနားထောင်နိုင်ဖို့အတွက် ဒီရုပ်သံလေးကို တင်ဆက်လိုက်ရပါတယ်။ #မြစ်ခြေမြို့ #စစ်ကောင်စီအကြမ်းဖက်မှု #နွေဦးတော်လှန်ရေး #HorizonsNews #ပြည်တွင်းသတင်း