A1 Report - 32-vjeçarja pranon vrasjen:I dashuri im e mbyti me jastëk

“E vramë ne gjyshen në Shkodër. I dashuri im e mbyti me jastëk. Ajo na zbuloi kur po vidhnim bizhuteritë”. Ky është rrëfimi tronditës para hetuesve i 32-vjeçares Gjoana Hila, mbesa e të moshuarës Angje Hila, që u gjet e vrarë në banesën e saj në Shkodër. Ngjarja e vrasjes së 82-vjeçares dy muaj më parë ka zhvillime të papritura: Mbesa e saj 32-vjeçare ka rrëfyer para hetuesve të çështjes së vdekja e të moshuarës nuk ka qenë natyrale si është raportuar në polici. Ajo ka pohuar se i dashuri i saj 27-vjeçar Erando Qatipi, është personi që e ka mbytur me jastëk të moshuarën, pasi kjo e fundit i zbuloi teksa vodhën disa bizhuteri floriri mes të cilave dy unaza, një orë dhe një shumë të hollash. Ndërkohë i dashuri i saj para grupit hetimor ka mohuar të jetë autor i krimit ndodhur mesditën e 25 shkurtit të këtij viti në banesën e 82-vjeçares Angje Hila në lagjen Gjuhadol të Shkodrës. A1 Report ka mundur të sigurojë foto të autorëve të këtij krimi makabër, ndërsa fotot e të rinjve të marra në rrjetet sociale pasqyrojnë një realitet të paqtë të të rinjve, të cilët prej vitesh jetonin në kryeqytet. - See more at: http://shqiptarja.com/home/1/video--m...