თავისუფლება 12-წლიანი სასჯელის ნაცვლად - ემზარ კვიციანი პატიმრობიდან გაათავისუფლეს

ქუთაისის სააპელაციო სასამართლომ დაცვისა და ბრალდების მხარეებს შორის მიღწეული ის საპროცესო შეთანხმება დააკმაყოფილა, რომელიც პატიმრობის ვადის 11 თვემდე შემცირებას ითვალისწინებდა. თუმცა დღევანდელ ვერდიქტს პოლიტიკურ წრეებში არაერთგვაროვანი რეაქციები მოჰყვა. ყოფილი მმართველი პარტია, რომლის ხელისუფლებაში ყოფნის დროს კვიციანი სახელმწიფოს წინააღმდეგ შეიარაღებული გადატრიალებისთვის გაასამართლეს, დღევანდელ გადაწყვეტილებაში პოლიტიკურ მოტივებს ხედავს. 2006 წლის სპეც-ოპერაცია, 8-წლიანი ცხოვრება რუსეთში ძებნილის სტატუსით, დაკავება თბილისის საერთაშორისო აეროპორტიდან და საპროტესტო აქციები ექს-რწმუნებულის გასათავისუფლებლად - კვიციანის საქმეზე ლევან კვატაშიძე მუშაობდა.