Poliisi ekutte omusajja e Nakaseke eyeeyita Yesu Kristu

Emmanuel Ssemakula Solomon amaze emyaka egisukka mu etaano ng’a akakasa abantu b’e Kapeeka nti ye Yesu kristo era tebasuubirayo mulala n’olwekyo waali okutuusa abamugoberera mu bulamu obutaggwawo. ono poliisi y’e Nakaseke emukutte n’abagoberezi be 9 olw’okuwuddiisa abantu n’okubagaana okujjanjabwa. Bw’atyo Emmanuel Ssemakula Solomon bw’azze ategeeza abantu okumala kati ebbanga lya myaka mukaaga. Ku kyalo Tongo mu gombolola y’e Kapeeka e Nakaseke, gy’abadde yasimba amakanda ng’agamba nti Yesu ayogerwako mu baibuli ye ye yennyini kubanga naye mwoyo mutuukirivu y’eyamuzaala. mu kiseera kino akuumirwa ku poliisi y’e Kiwoko mu district ye Nakaseke n’abagoberezi be 9 b’abadde yatuuma abayigirizwa. Poliisi egamba nti ono bulijjo ategeeza abantu nti ye yesu gwebabadde balinda n’olwekyo ekirindiriddwa, yenkomerero yokka. Kigambibwa abo abamugoberera abadde tabakkiriza kugenda mu ddwaliro n’okulya emmere emu, so ng’era abadde abatuma okukola olwo ensimbi nazibajjako. Nabo bakkiriza nti ono ddala Yesu. SOT Omwogezi wa poliisi mu kitundu kya Savannah Lamech Kigozi agamba nti abatuuze b’e Kapeeka bebatemezza ku poliisi nga beekengedde enkola z’omusajja ono. Kitegeezeddwa nti omusajja ono bamuzaala Kapeeka mu disitulikiti y’e Nakaseke. Oluvannyuma lw’okufa kwa bazaddebe yafuna omulokole eyamuweerera. Oluvannyuma Ssemakula yagenda e Kenya n’oluvannyuma e Tanzania okubuulira enjiri. Abamumanyi beewuunya bweyadda e Nakaseke gy’azaalwa nga yeeyita Yesu. Waliwo abagamba nti ddala aliko ekitali kituufu. For more news visit http://www.ntv.co.ug Follow us on Twitter   / ntvuganda   Like our Facebook page   / ntvuganda