ISTOR APURBAIECHEA PUTACHI, Peter V .Fernandes, Konkani song,

Istor Eka Apurbaiechea Putachi (Story of a pampered Son) Lyrics, sung & music by Peter V. Fernandes Assant zaitim mai ani pai, burgeachi cortat apurbai, dekh dacoun tancam choloitat ritin. Pun aplea burgean vait kalear, vait rostear paulo zalear, mar domki diun tim dovortat athin Thoddim avoi babui assant, burgeancho abru rakhtat, ....tim lipoitat muttin Voilean tim apurbai corun, tancam oxich dil soddun, oslim burgin borea margar eunc cottin ch : Apurbai burgeachi zatoch, tim sarkim pautat kanteani Acho faido tea mainc pai meuta zait khuinchea vattani Apurbai tumi cortamım, xidduc ravat avoieanim, burgeancho fudar pirdear zait mukar, rodtoleat dukhani 2nd Verse: Eok avoi ani bapui aslo, ekloch to Devan dilolo. chodd tachi khuim apurbai cortali, Kitench vait passun kelem tor, mhuntali aplo boro por, put vait munon mandi nasli Connui tor vait muno putac, mari kiteim meulear athac, zogdonc ubi ti rocdich rautali. Put aplo muntali boro, vortouta fulancho turo, oxem avoi sodanch mhuntali ch: Vhodlo zaun crimidor zalo, munxeanc to jive mari, Gaum taca bhiemtalo, dissacho cori chori. Aslem naslem luttun voro, benkdaitalo dacoun suri. Ekdis sampodlo, pulisen dorlo, khobor caddun puri 3rd Verse: Mar ghalun cumsar kelo, chorio Sogleo cobul zalo, taka faxiechem sentens mariem. Ti apurbai funkot gheli, rith avoichi gomon aili, hea burgeachen jivit vibaddlem. Zuizan tacher formon martoch, faxier tacho Vell etoch, xekim zuizan taca vincharlem, Sang nimnem kitem zai tuca, muno laglo avoi zai maca, etoch ghans marun tichem nak catorlem. Zuzan karan Vinchartoch, hea putan sanglem zuizac, main apurbai corunc nasli tor gans marcho naslom nakac. Rit bori tor dacoiloli, aiz paucho naslo hea fasac. Dekun apurbai chodd cori nacai, dorat gott ugdasac.