{أعز الناس}(25) عندما لان الحجر لآية

في حياة كل واحد فينا، شخص واحد على الأقل، حكمنا عليه و رمينا طوبته .. بنظرة كده.. قلنا الإنسان ده مستحيل يتغير أبدًا.. مافيش فيه أمل... ماهو الجواب بيبان من عنوانه.. ممكن يكون حد قريب، وممكن يكون خصم. المهم إننا، في لحظة معينة.. كانسلناه.. والتاريخ مليان بأحكام زي دي. لكنه مليان، في نفس الوقت، بلحظات.. الأحكام دي انهارت فيها فجأة، لدرجة ان النسخة القديمة من الشخص.. اتمسحت من أذهان الناس تماما كأنها لم تكن.. و يمكن أشهر اللحظات دي على الإطلاق، كان بطلها شخص عاش في مكة من ١٤ قرن. شخص.. مكة كلها.. حتى أقرب الناس ليه.. أجمعوا إن إسلامه ده شئ من سابع المستحيلات..الموضوع ماكانش محل نقاش أصلا.. بالعكس.. مجرد ذكر الفكرة.. كان يعتبر نكتة!.. لكن العجيب.. ان الشخص ده في يوم من الأيام.. يخرج من بيته و معاه سيفه.. و عازم على حاجة واحدة بس.. و هي انه يقتل النبي "ص" .. عشان يقضي على الدعوة اللي عاملالهم صداع دي.. و لكن قبل ما تغرب شمس نفس اليوم.. نفس السيف ده.. يتحول لسيف بيحمي النبي "ص".. الشخص ده.. اللي أول حرف من أسمه عمر بن الخطاب.. أنا آسف ان الحلقة النهاردة غامضة و صعب تعرفوا مين هو.. شخص.. الصبح كان قاتل مع سبق الإصرار و الترصد.. و آخر اليوم أصبح يفدي النبي "ص" بدمه و روحه! ازاي التحول ده حصل في ساعات معدودة؟ الإجابة.. انه ماحصلش في ساعات معدودة ولا حاجة.. ده مشوار طويل.. كانت اللحظة دي محصلته النهائية.. ازاي الكلام ده؟.. خلونا نشوف.. للدعم على Patreon :   / ahmedbehiry   اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك   / أحمد-بحيري-ahmed-behiry-109415711865636   الصفحة الرسمية علي تويتر   / ahmedbehiry   اشترك في القناة لمتابعة الحلقات الجديدة http://goo.gl/2KheJZ المصادر: أعلم أهل الأرض داباليو داباليو داباليو دوط قووقل دوط قوم http://www.قooقle.com