دیزاینی ناو ماڵ چۆنیتەتی دیزاینی ناو ماڵ و كاریگەری لە سەر دەرون چنوور یاسین

لە زانستی دەروونناسی دا سەلمێنراوە کە ڕەنگ بەندی ڕازاندنەوە (دیکۆراسیۆن)ی ناوماڵ لە سەر خوسڵەت و رەوشتی دانیشتوانی ناوماڵ لە درێژماوە دا کاریگەری هەیە و بەرەنجامەکانی و کاردانەوەکانی ڕووحی و سۆزدارانەی وان ناشاردرێتەوە. دیزاینی ڕازانەوەی ناوماڵ لە سەر بنەمای دەروونناسی ڕەنگەکان دەتوانێ ئامرازێکی یارمەتیدەر بۆ هەبوونی کاتێکی شاد و بێ داڵغە و نیگەرانی بێت. لە بەشی سەرەتایی ئەو وتارە دا باشیەکان و ئیرادەکانی بەکار هێنانی ڕەنگەکانی جۆراوجۆر لە ژووری خەوتن وەکوو یەکێک لە گرینگترین بەشەکانی ناوماڵ باسی لێکراوە. ڕەنگی شین بەهۆی هێمنایەتیێکی کە بە فەزا (ڕەپۆشە)ی دەبەخشێ، لە کۆنەوە وەکوو ڕەنگێکی خۆشەویست بۆ دیوارەکانی ژووری خەوتن بە کار گیراوە. یەک ژووری ڕەنگ شین (ئاوی)، ئێوە بۆ خەوێکی ئارام و ئاسوودە ئامادە دەکات. لێکۆڵینەوەکانی دەروونناسەکان نیشانی داوە کە ڕەنگی شین بڕوابەخۆیی دەباتە سەرێ، ئێشەکان دادەمڕکێنێ و تەنانەت گوشاری خونیش دێنێتە خوارێ. هەر بەم هۆیەوە بەکار هێنانی ئەو ڕەنگە لە ناوندەکانی پزیشکی پێشنیار دەکرێ. ڕەنگی شینی کەم ڕەنگ زۆر هێمن کەرەوە و ئارام بەخشە و شینی تۆخ خەو قورس دەکات. لەگەڵ تەواوی باشییەکانی، ئەو ڕەنگە بۆ ژووری خەوتنێک کە وەکوو ژووری کاریش بەکار بێت، گونجاو نیە چۆن لەوانەیە کە لە درێژ ماوە دا لە کەس هەستی نەبوونی هۆکار و هاندەر بکات ئەگەر لە ژووری خەوتن وەکوو ژووری کار کەڵک وەردەگرن، باشتر وایە کە لە لای ڕەنگی شین کەمێک ڕەنگی سەوز یان خشتی (قاوەیی مەیلەو سوور) بەکار ببەن. ڕەنگی سەوز بێجگە لە ڕەنگی شین، سەوزیش له ڕەنگەکانی سارد لە حەساو دێت کە لە ڕەنگەکانی سەرەکی نیە. ڕەنگی سەوزی کەم ڕەنگ پێوەندیێکی ڕاستەوخۆی لەگەڵ پێوەندییە گشتیەکانی خەڵکانی تر هەیە. هەر بەو هۆیەوە بە کەسانێکە کە لە گۆشەگیری و تەنیایی و دووری کردن لە خەڵک دا ئازار دەبینن پێشنیار دەکرێت کە ئە لەو ڕەنگەی بۆ ڕازاندنەوەی ژوورەکانی ناوماڵی خۆیان بەتایبەتی ژووری خەوتن بەکار بێنن. ئەو ڕەنگە بێجگە لە هێمنایەتی دان، دەبێتە هۆی شەوق و شادی لە کەس دا. دیزاینی ژووری خەوتن بە بە ڕەنگی سەوزو زەرد لە درێژ ماوە دا دەتوانێ ببێتە هۆی ڕووناکی ژوور و هەستی هێمنایەتی و گەشبینی و خۆش بینی (هیواداری) لە کەسەکان دا. ڕەنگی سوور ڕەنگی سوور هەستەکانی بەهێز، ئەڤین و تین دەهاژێنێ، بەڵام لە هەمان کات دا دەتوانێ هەستەکانی تووڕەیی و ڕق هەستاویش ببزوێنی، کە واتە ڕەنگی سوور بۆ ژووری منداڵ گونجاو نیە. پێشنیار دەکرێت ڕەنگی سەرەکی ژوور سوور هەڵمەبژێرن، بەڵام ئەگەر ئەو ڕەنگەتان پێ جوانە لە شتومەکی سوور کەڵک وەر بگرن. ئەو ڕەنگە لەگەڵ ڕەنگی بنەوش (مۆر) هارمۆنی زۆری هەیە و دیزاینی ژووری خەوتن بەڤ دوو ڕەنگە، بێجگە لە ڕۆمانتیک کردنی فەزا، لە درێژ ماوە دا دەبێتە هۆی سازگاری لە کەسەکان دا. بنەوش پێکهاتەیێک لە ڕەنگەکانی سووری گەرم و شینی ساردە. ڕەنگی پڕتەقاڵی پڕتەقاڵیش هەر وەکوو ڕەنگی سوور لە گەرما و تین بەهرەمەندە و هەر بەم هۆیە بۆ بەکارگیری تەنیا لە ژووری خەوتن گونجاو نیە. ئەڤ ڕەنگە کاتێکی کە ئێوە پێویستتان بە هێمنایەتی و ئارام بوونە بۆ خەوتن ناتوانێ ڕەنگێکی گونجاو بێت. هەڵبەت بە ئەندازەی کەم و لە لای ڕەنگەکانی ناکاریگەر وەکوو تووسی دەتوانێ جوان و دڵگر بێت. پەمەیی ئەوڕۆکە بەکارهێنانی ڕەنگی پەمەیی لە دێکۆراسیۆن و ڕازاندنەوەی ماڵەکان، زۆر بووە. ڕەنگی پەمەیی لە تێکەڵاوی ڕەنگەکانی سپی و سوور درووست دەبێت. گرینگترین تایبەتی ئەڤ ڕەنگە هەبوونی هەستی دڵۆڤانی و ئاسوودەیی لە کەسەکان دا و کەم بوونەوەی بەگژداچوون و شەڕاوی بوونە. هەر بەم هۆیە ڕەنگێکی هەستیاری و ئاشقانە لە حەساو دیت. دێکۆراسیۆنی تەواوی ژووری خەوتن بە ڕەنگی پەمەیی دەتوانێ لە درێژماوە دا ببێتە هۆی خەیاڵ پەروەری و خەیاڵاوی کەسەکان هەتا ئەو جێگەیەی کە لە دونیای ڕاستەقینە دوور دەبنەوە و هۆشیاریان دێتە خوارێ. کە واتە پێشنیار ناکرێت لە دیزاینی فەزای ژووری خەوتن بە تەنیایی لەو ڕەنگەی بەکار بێت. تێکەڵ کردنی ئەو ڕەنگەی لەگەڵ ڕەنگەکانی تۆخ و کەم ڕەنگ دەبێتە هۆی جوانی زۆرتری ژووری خەوتن. بەکارهێنانی ڕەنگی پەمەیی لەگەڵ خۆڵەمێشی یەکیک لە ئایدیاکانی گونجاو بۆ دیزاینی ژووری خەوتنی کورانەیە. کەسانێکی کە زۆرتر مێرەوانی لە له تایبەتمەندییەکانی ئەخڵاقیان دا دەدیترێ ڕەنگی پەمەیی کەم ڕەنگ و سەوزی شینباویان پێ جوانە و لە ژووری خەوتنێک بەو ڕەنگانە هەستێکی خۆش و باشتریان هەیە. قاوەیی یەکێکی دیکە لە ڕەنگەکانی گەرم و ناکاریگەر کە لە دیزاینی هێندێک لە ژوورەکانی خەوتن لە وان کەڵک وەردەگیرێ، قاوەییە. بەکارهینانی ئەو ڕەنگە بۆ ماوەی زۆر لە ژووری خەوتن، باشی و خەراپی خۆی هەیە. ڕەنگی قاوەیی دەبێتە هۆی هەستی هێمنایەتی، ڕاحەتی و ئاسوودەیی لە کەسەکان دا. هەروەها هەستی تازەیی دەبەخشێ بە کەسەکان. سەرەڕای ئەمانەش ژووری خەوتنی قاوەیی دەبێتە هۆی بیانووگرتن و لاساری لە کەسەکان دا. کە واتە پێشنیار دەکرێت کە ئەو ڕەنگە بۆ ژووری خەوتن بەکار نەیێت، لەو جێگەیەی را کە ئەو ڕەنگە زۆر خەمهێنەر و خەمۆک کەرەوەیە، گونجاوی ژووری خەوتن نیە. لە ڕاستی دا لە ژووری خەوتن بە ڕەنگی قاوەیی دەتوانین چاوەڕوانی کەمێک زیاتر لە 6 کاتژمێر خەوتنی شەوانەی ڕاحەتمان هەبێ. بنەوش (مۆر) ئەگەر شەوانە بە سەختی خەوتان لێ دەکەوێ، ڕەنگی دیوارەکانی ژووری خەوتن بنەوش هەڵبژێرن. بنەوش رەنگی زەڕق و بەرقە. پلەکانی جیاواز لە بنەوشی کەم ڕەنگ هەتا پڕڕەنگ، بۆ دیوارەکانتان بەکار بێنن. رەنگی بنەوش هەستیاری و داهێنەری ئێوە دەبزوێنێ.