A SAD STORY OF DELFT ISLAND | கவலையான உண்மை | நெடுந்தீவு #neduntheevu #2024 #trending

தமிழர் பரந்து வாழ்ந்த குமரிப் பெருங் கண்டம் கடல் பேராழியால் மூழ்கிப் போக, எஞ்சிய நிலப்பரப்புகளில் ஒன்றான இலங்கைத் தீவில் வாழ்ந்தவர்கள்தான் இயக்கர் மற்றும் நாகர். இலங்கையின் வடபால் அமைந்த சப்த தீவுகளில் நாகத்தை வழிபடும் நாகர்கள் அதிகமாக வாழ்ந்ததாக வரலாறுகள் எடுத்தியம்புகின்றன. ஓங்கி உயர்ந்த தென்னைகளும் பனைகளும் கம்பீராமாகக் காட்சிதர, வெள்ளைப் பஞ்சு அலைகள் சுற்றியணைத்து முத்தமிட, தன்னை நம்பி வாழும் மக்களுக்கு இயற்கை வளங்களை அள்ளிக் கொடுத்து, நீலக் கடலின் நடுவே தனி ராச்சியத்தை அமைத்து ராஜாவாகத் திகழும் தீவுதான் சப்த தீவுகளில் ஒன்றான நெடுந்தீவு. இலங்கைதீவிலிருந்து நெடுந்தூர கடல்நடுவே அமைந்த மிகப்பெரிய தீவாம் நெடுந்தீவுக்கு செல்வது புதுஅனுபவம். வெளிநாடு மற்றும் இலங்கையில் வாழ்கின்ற மக்கள் என்ன யாழ்ப்பாணத்தில் வசிப்பவர்கள்கூட நெடுந்தீவுக்கு கடல் வழியாகச் செல்லும்போது இலங்கையைவிட்டு இன்னொரு நாட்டுக்குச் செல்வதைப்போன்ற ஒரு உணர்வு ஏற்படும். ஆங்கிலேயர் காலத்தில் கல்வியறிவு மட்டுமன்றி சகல துறைகளிலும் சிறப்புற்ற தமிழர்களை இலங்கைத் தீவின் சகல பாகங்களிலும் உயர் பீடங்களில் அமர்த்தினர் ஆங்கிலேயர். கல்வியிலும் வாணிபத்திலும் மிகத் திறமையானவர்களில் நெடுந்தீவு மக்கள் பெரும்பங்குவகித்து இலங்கை முழுவதும் காலூன்றிப் பெருமைசேர்த்தனர். இயற்கையை மதிக்காத மனிதர்களாகிய எமது கண்மூடித்தனமான செயல்களுக்கான அறுவடைகளை அபவிக்கத் தொடங்கிவிட்டோம். அதற்கமைய இன்று நெடுந்தீவில் நிலத்தடிநன்னீரையும், மீன்வளத்தையும் இழந்துவருகிறோம். வெப்பக் காலநிலை மாற்றங்களால் பசுமையிழந்த பாலை நிலமாக நெடுந்தீவும் மாற நாம் காரணமாகின்றோம். எமது நாட்டில் ஏற்பட்ட கலவரங்களாலும், யுத்தத்தாலும் நெடுந்தீவிலிருந்து ஆயிராமாயிரம் பேர்வெளியேறி உலகம் முழுவதும் வாழ்ந்துவருகின்றனர். இன்று எஞ்சியுள்ள நெடுந்தீவு மக்கள் குடிநீர் உட்பட பல்வேறு பிரச்சனைகளுக்கு முகம் கொடுக்கநேரிட்டுள்ளது. இவர்களது இருப்பும் கேள்விக்குறியானால் தமிழரெம் தீவின் நிலை இனி என்னாகும்? மக்களே! விழித்தெழும் நேரம் இது. எமது மண்ணில் எமது மக்கள் வாழும்வரைதான் எதையும் சாத்தியமாக்கலாம். உணவு, நீர், கல்வி, மருத்துவ வசதிகள் சீரில்லை என்பதுடன் வருமானம் தரும் பல தொழில்களும் நெடுந்தீவில் பாதிக்கப்பட்டுள்ளன. அனைவரது கவனமும் நெடுந்தீவை நோக்கி அமைந்தாலே இவற்றுக்கு தீர்வுக்கு கிடைக்கும். சுற்றுலாவிகள் நெடுந்தீவை நோக்கி தினந்தினம் படையெடுக்க நெடுந்தீவின் இயற்கை அழகு மட்டுமன்றி அங்குள்ள வரலாற்றுப் பொக்கிசங்களும் காரணமாகும். தரை மற்றும் கடல் வழிப் பயணங்கள் இலகுவாக இருப்பின் சுற்றுலாப் பயணிகள் எண்ணிக்கை அதிகரிக்க உள்ளூர் உற்பத்தியாளர்களும் இம் மக்களும் அதிக நன்மைகளைப் பெறுவர். புனித சேவைகளான கல்வி மற்றும் சுகாதாரத் துறைகளைச் சேர்ந்தோர் மனம் வைத்தால் இத்துறைகளில் நிலவும் குறைகளை நீக்கலாம். அரச, தனியார் துறை மற்றும் புலத்தில் வாழும் மக்கள் மனம் வைத்தால் உட்கட்டுமான வசதிகளை ஏற்படுத்திதரலாம். மக்களாகிய நாம் மனம்வைத்தால் நெடுந்தீவையும் இம் மக்களையும் காத்திடலாம். இந்து சமுத்திரத்தின் ஒரே முத்து இலங்கை. இலங்கையின் பெரும் முத்து நெடுந்தீவு. நெடுந்தீவு தமிழரின் அரும் சொத்து. தமிழ் நாகரிகம் குன்றா மக்கள் வாழும் நெடுந்தீவில், தமிழர் அடையாளங்கள் என்றும் நிலைத்திட வரும் ஆவணி மாதம் 4 ஆம் திகதி முதல் 15 ஆம் திகதி வரை நெடுந்தீவுத் திருவிழாவில் நாம் ஒன்றுதிரள்வோம் வாருங்கள். Direction - P Nivethigan DOP & Edits - JeyaPirakash Script - P Thujeeskanth Voiceover - T Kirupakaran எங்கள் channelன் நலன் விரும்பிகள் Whatsapp group ல் இணைய, பின்வரும் லிங்கை கிளிக் செய்யுங்கள் https://chat.whatsapp.com/Dg3DFP5y4e9... SaHo Creations Face Book -   / sahocreations   Tik Tok -   / saho_creations   You tube -    / @sahocreations   Contact Person - Sivanantham Virushan +94772487201 Facebook -   / svirushan