Tv Klan - Dëshmia për vrasjen e vëllezërve Haxhia, raporton Bleona Metushi |Lajme-News

Klevis Alla, dëshmitari i penduar i drejtësisë, ka deklaruar në seancën e sotme në Gjykatën e Posaçme kundër Korrupsionit dhe Krimit të Organizuar, se vëllezërit Besmir dhe Viktor Haxhia i vrau Nuredin Dumani. Ngjarja e rëndë ndodhi më 27 Prill 2020 në Durrës në zonën e njohur si tregu i makinave të përdorura. Gazetarja e Tv Klan, Bleona Metushi, e cila ndjek zhvillimet pranë GJKKO, raporton se Klevis Alla dëshmoi në gjykatë se ditën e ngjarjes kishte dalë nga banesa dhe kishte marrë makinën Toyota dhe shkoi të takohej me Nuredin Dumanin. Sipas Allës, në atë moment Nuredin Dumani ka qenë bashkë me një person tjetër që nuk është identifikuar dot Klevis Alla. Sipas këtij të fundit, të dy mbanin të veshur kapuça të zinj si ato të përdorura nga forcat speciale të policisë dhe i dukeshin vetëm sytë. Klevis Alla ka treguar në seancën para GJKKO se e ka nxjerrë ai Besmir Haxhinë në pritë. “E njihja dhe e mora në telefon për të lënë takim me të”, tha ai. Sipas Klevis Allës, Nuredin Dumani dhe personi tjetër që ishte me të, qëlluan nda makinës Volksëagen me të cilën udhëtonin dy vëllezërit. Pas të shtënave të para, Nuredin Dumani ka zbritur dhe ka qëlluar sërish në drejitm të vëllezërve Besmir dhe Viktor Haxhia, deklaroi Klevis Alla. Më pas, të dy u larguan me një makinë Mercedes-Benz në drejtim të Tiranës dhe Klevis Alla ngeli me 3 armët e zjarrit në makinë që duhet t’i zhdukte sipas udhëzimeve të Nuredin Dumanit. Klevis Alla deklaroi se kishte frikë mos e vriste Nuredin Dumani dhe për këtë arsye ai u bë i penduar i drejtësisë. /tvklan.al SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/