Kryeministri Berisha dëgjon ankesat e qytetarëve për abuzimet në administratë - (16 Shkurt 2006)

Lajme arkiva 2006 Ka nisur nga puna tashmë në kryeministri salla operative që ka dy numrat e telefonit pa pagesë të vëna në dispozicion nga qeveria për të përcjellë shqetësimet e qytetarëve në çdo rast abuzimi në administratën shtetërore. Ka qenë vetë kryeministri i vendit, Sali Berisha, i cili ka komunikuar direkt me qytetarët që janë drejtuar dy linjave antikorrupsion sot pas dreke. Përtej befasisë së qytetarëve kur në telefon i është përgjigjur vetë shefi i ekzekutivit, Berisha ka mbajtur shënim denoncimet e tyre. Sali Berisha: “Do të kërkoja që në rastet e tilla do të këshilloja edhe qytetarët e tjerë që ata zyrtarë të çfarëdolloj pune që të jenë ku ju kërkojnë ryshfete të përpiqen që ta faktojnë në një mënyrë ose një tjetër, me një dëshmi ose me një tjetër kërkesën e tyre dhe unë ju siguroj ju që të gjithë pa përjashtim do të përballen me rreptësinë e ligjit. Po, po,po edhe unë kam besim shumë tek qytetarët shumë, dhe kam besim tek punonjësit e administratës, por ne duhet të bashkëpunojmë. Por, në rastin konkret ajo çka unë mund t’ju këshilloj ju zotëri është t’i drejtohesh gjykatës së apelit mbi bazën e tapisë dhe të gjithë dokumentacionit që keni dhe të jeni i sigurt që domethënë nuk do të humbasim besimin tek drejtësia pavarësisht se vështirësitë që kalon, por ne të gjithë duhet të bëjmë që ajo të funksionojë mbi bazën e ligjit.” Kryeministri ka falënderuar qytetarët dhe i ka inkurajuar ata të sjellin dosje të plota dhe të faktuara. Dy linjat e telefonit u hapën një ditë më parë dhe vetëm brenda 24 orëve të para kanë marrë mbi 120 telefonata nga qytetarët të ndryshëm. Numrat e tyre janë 0800-0808 dhe 0800-0909. Ato do të jenë në dispozicion të qytetarëve nga ora 08:00 deri në orën 16:00 nga e hëna në të premte./tvklan.al Gazetare: Mimoza Koçiu SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/