തെക്കുംബാട് : കേരളത്തിന്‍റെ ബൂസിരി കവിതകള്‍ എഴുതിയ നാട് .../THEKKUMBAD ISLAND

മാട്ടൂല്‍ ഗ്രാമ പഞ്ചായത്തിന്റെ തെക്ക് കിഴക്ക് ഭാഗത്തായി കുപ്പം-വളപട്ടണം പുഴയില്‍ കാണപ്പെടുന്ന ദ്വീപാണ് തെക്കുംബാട് .പ്രകൃതി രമണീയമായ ഈ ദ്വീപ് മാട്ടൂല്‍ ഗ്രാമ പഞ്ചായത്തിലെ ആദ്യത്തെ ജനവാസ കേന്ദ്രമായി കണക്കാക്കപ്പെടുന്നു.പഴ കാലത്ത് തന്നെ തെക്കുംബാടിലെ പൂര്‍വ്വീക ജനത വിദേശ രാജ്യങ്ങളില്‍ ജോലി ചെയ്തിരുന്നു.ഇന്‍ഡോനേഷ്യയിലും സിംഗപ്പൂരിലും മലേഷ്യയിലുമൊക്കെ ഇങ്ങനെ തെക്കുംബാടിലെ പൂര്‍വ്വസൂരികള്‍ എത്തിപ്പെട്ടിട്ടുണ്ട്. 1964 ല്‍ വില്ലേജ് പുന സംഘടനയെത്തുടര്‍ന്നാണ് തെക്കുമ്പാട് ദ്വീപ് മാട്ടൂല്‍ ഗ്രാമ പഞ്ചായത്തില്‍ ഉള്‍പ്പെടുത്തുന്നത്.ആദ്യ കാലത്ത് ചങ്ങാടവും തോണി/ഗ്ക്ഷ ആയിരുന്നു ദ്വീപിലേക്ക് എത്താനുള്ള വഴികള്‍.പിന്നീട് ബോട്ട് മാര്‍ഗ്ഗവും ഏറ്റവുമൊടുവില്‍ തെക്കുമ്പാട് -ചെറുകുന്ന് പാലം വഴിയും ഈ ദ്വീപിലേക്ക് എത്തിച്ചേരാവുന്നതാണ് .തെക്കുംബാടിന്റെ അയല്‍ പ്രദേശമായ മാട്ടൂലിലേക്ക്മാത്രമായുള്ള ബോട്ട് സര്‍വ്വീസ് തെക്കുംബാടിന്റെ നിത്യ കാഴ്ച്ചയാണ്. പ്രാചീന കാലത്ത് തന്നെ മത-ഭൗതിക വിദ്യാഭ്യാസ കാര്യങ്ങളില്‍ ദീര്‍ഘവീക്ഷണം പുലര്‍ത്തിയിരുന്നവരായിരുന്നു ഇവിടെയുള്ളവര്‍.നൂറിലേറെ വര്‍ഷം പഴക്കുള്ള തെക്കുമ്പാട് ജി.എം യു പി സ്്കൂളിന്റെ പാരമ്പര്യം ആ കാര്യം വിളിച്ചോതുന്നുണ്ട്.1918 ലാണ് ഈ സ്‌കൂള്‍ തെക്കുമ്പാടില്‍ സ്ഥാപിതമാകുന്നത്.കേരളത്തിന് നിരവധി ഇസ്ലാമിക മത പണ്ഡിതന്മാരെ സംഭാവന ചെയ്ത പാരമ്പര്യമാണ് തെക്കുമ്പാടിനുള്ളത്.തെക്കുമ്പാടിലെ പള്ളി ദര്‍സുകള്‍ മലബാറില്‍ ഒരു കാലത്ത് പ്രസിദ്ധമായിരുന്നു.മാനവ സാഹോദ്യര്യം വിളിച്ചോതുന്ന തെക്കുമ്പാട് മസ്ജിദുകളിലെ മിഹ്‌റാബുകള്‍ ഇപ്പോഴും വൈജ്ഞാനിക ലോകത്തിന്റെ വിസ്മയ കവാടങ്ങള്‍ തുറന്നുകൊണ്ടിരിക്കുന്നു . ഗോള ശാസ്ത്രത്തില്‍ കണ്ണൂരിന്‍റെ സംഭാവനയായ സി കുഞ്ഞഹമ്മദ് മുസ്ല്യാരും അദ്ദേഹത്തിന്‍റെ മകന്‍ പ്രമുഖ പണ്ഡിതന്‍ പി കെ പി അബ്ദുല്‍ സ്സലാം മുസ്ലിയാര്‍, ഹദീസ് പണ്ഡിതന്‍ ശൈഖ് ഹസന്‍ ഹസ്രത്ത്, അബുല്‍ ഫള്ല്‍ എന്ന തൂലിക നാമത്തില്‍ കവിതകള്‍ എഴുതിയിരുന്ന കേരളബൂസി രി എന്ന പേരില്‍ അറിയപ്പെട്ട അറബിക്കവി തിരൂരങ്ങാടി ബാപ്പു മുസ്ലിയാര്‍,സമസ്തയുടെ അദ്ധ്യക്ഷന്‍ സയ്യിദ് ജിഫ്രിമുത്തുക്കോയതങ്ങള്‍ തുടങ്ങിയ അനേകം പണ്ഡിതന്മാര്‍ തെക്കുമ്പാടിന്‍റെ പള്ളി ദര്‍സുകളില്‍ നിന്നും ദീനി വിജ്ഞാനം കരസ്ഥമാക്കിയവരാണ്. മതസാഹോദ്യര്യത്തില്‍ ഏറെ പ്രസിദ്ധമാണ് തെക്കുംബാട്.മതാന്ധത കൊണ്ട് തമ്മില്‍ തല്ലുന്ന ലോകത്ത് തെക്കുംബാടിലെ മതമൈത്രി വേറിട്ട് നില്‍ക്കുന്നു. സ്ത്രീകള്‍ മാത്രം കെട്ടിയാടുന്ന ദേവക്കൂത്ത് എന്ന തെയ്യം തെക്കുംബാടിലെ കൂലോം തായക്കാവില്‍ കെട്ടിയാടാറുണ്ട്.രണ്ട് വര്‍ഷത്തില്‍ ഒരിക്കല്‍ നടക്കുന്ന ദേവക്കൂത്ത് കാണാന്‍ ജില്ലയുടെ വിവിധ പ്രദേശങ്ങളില്‍ നിന്നും നിരവധി ആളുകളാണ് എത്താറുള്ളത്.തെക്കുമ്പാട് ദ്വീപിലെ പൂന്തോപ്പില്‍ ഒറ്റപ്പെട്ടുപോയ അപ്‌സരസ്സ് നാരദമുനിയുടെ സഹായത്തോടെ ദേവലോകത്തേക്ക് പോയ ഐതിഹ്യത്തിന്റെ ചുവട് പിടിച്ചാണ് ഇവിടെ ദേവക്കൂത്ത് അവതരിപ്പിക്കുന്നത്. 41 ദിവസത്തെ വ്രതം അനുഷ്ടിച്ച് വേണംദേവക്കൂത്ത് കെട്ടിയാടാന്‍. കേരള ഫോക് ലോര്‍ അക്കാദമി പുരസ്‌കാരം കരസ്ഥമാക്കിയ തെയ്യം കലാകാരി ലക്ഷ്മി മാടായി പത്ത് വര്‍ഷത്തോളം ഇവിടെ ദേവക്കൂത്ത് അവതരിപ്പിച്ചിരുന്നു.പ്രാചീന കാലത്ത് ചിറക്കല്‍ രാജവംശത്തിന്റെ അധീനതയിലായിരുന്നു കൂലോം തായക്കാവ്. #turnback #THEKKUMBAD #mattool , #travelvlog #travel #traveling #KANNUR #KANNURMASJID, #THEKKUMBADMASJID #തെക്കുംബാട് #മാട്ടൂല്‍ #കണ്ണൂര്‍ #villagelife