Ezop haqida rivoyatlar asosida radioteatr

Эзоп ҳақида ривоятлар асосида радиотеатр. Муаллиф матнини Мирзоҳид Раҳимов ўқиган. Асосий ролларда: Эркин Комилов, Теша Мўминов. Бошқа ролларни Тошкент театрлари артистлари ижро этишган / Ezop haqida rivoyatlar asosida radioteatr. Muallif matnini Mirzohid Rahimov o‘qigan. Asosiy rollarda: Erkin Komilov, Tesha Mo‘minov. Boshqa rollarni Toshkent teatrlari artistlari ijro etishgan. Ezop (miloddan avvalgi VI asr) – yunon masalchisi. Rivoyatlarga qaraganda, Ezop frigiyalik qul boʻlib, soʻng ozod qilingan. Lidiya shohi Krez saroyida xizmatda boʻlgan, Delfada oʻldirilgan. Antik davrda maʼlum boʻlgan deyarli barcha masallarning syujeti Ezopniki deb hisoblangan. Ular miloddan avvalgi IV—III asrlardan boshlab toʻplangan va „Ezop masallari“ kitobiga kiritilgan. Milodiy X – XV asrlardagi qoʻlyozmalarda 300 dan ortiq shunday masal saqlanib qolgan. Ezop masallari gʻoyaviy jihatdan tushkunlik va umidsizlik ruhida yozilgan, personajlari (asosan, hayvonlar) oʻta shartli, voqealar ixcham bayon qilingan; tili sodda, jonli tilga yaqin. Ezop masallari syujeti Yevropa masalchiligi syujetining asosini tashkil etgan. Lotin masalchisi Fedr (1-asr) va yunon masalchisi Babriy (2-asr)dan tortib J. Lafonten va I. A. Krilovgacha Ezop masallari syujetini davrga moslab ijodiy rivojlantirganlar. Эзоп (милоддан аввалги VI аср) – юнон масалчиси. Ривоятларга қараганда, Эзоп фригиялик қул бўлиб, сўнг озод қилинган. Лидия шоҳи Крез саройида хизматда бўлган, Дельфада ўлдирилган. Антик даврда маълум бўлган деярли барча масалларнинг сюжети Эзопники деб ҳисобланган. Улар милоддан аввалги IV—III асрлардан бошлаб тўпланган ва „Эзоп масаллари“ китобига киритилган. Милодий X – XV асрлардаги қўлёзмаларда 300 дан ортиқ шундай масал сақланиб қолган. Эзоп масаллари ғоявий жиҳатдан тушкунлик ва умидсизлик руҳида ёзилган, персонажлари (асосан, ҳайвонлар) ўта шартли, воқеалар ихчам баён қилинган; тили содда, жонли тилга яқин. Эзоп масаллари сюжети Европа масалчилиги сюжетининг асосини ташкил этган. Лотин масалчиси Федр (1-аср) ва юнон масалчиси Бабрий (2-аср)дан тортиб Ж. Лафонтен ва И. А. Криловгача Эзоп масаллари сюжетини даврга мослаб ижодий ривожлантирганлар.