RTSH nderon kantautorin Luan Zhegu me çmimin “Pranverë e përhershme”

Luan Zhegu, i vlerësuar si një nga figurat më të spikatura dhe legjendat e muzikës së lehtë shqiptare në rolin e këngëtarit dhe kompozitorit, është nderuar me çmimin e veçantë “Pranverë e përhershme” nga Radio Televizioni Shqiptar. Gjatë ceremonisë, prezantuesit e festivalit, Bleona Qerreti dhe Nik Xhelilaj, kanë ftuar në skenë maestro Zhani Ciko për t’i dorëzuar personalisht trofeun kantautorit. Në fjalën e tij përshëndetëse, maestro Ciko theksoi kontributin e vyer të Zhegut në historinë e muzikës shqiptare, duke u ndalur te një moment specifik i karrierës së tij gjatë vitit 1997. “Jemi në shtëpinë tonë në këtë Festival, në shtëpinë e muzikës. Për mua është një ngjarje e veçantë që një personalitet, kantautor si Luan Zhegu, i cili përshkruhet në këngët e tij me tematika të pasura merr këtë çmim”, deklaroi Ciko. Duke risjellë në vëmendje kontekstin e trazirave të atij viti, ai shtoi: “Luan Zhegu në ‘97 kompozoi këngën “Fal” që e interpretoi Ledina Çelo dhe fitoi çmimin e parë. Vendi ishte në situata të vështira në ato kohë. Bëmë koncertin dhe kënga ‘Fal’ ishte apel për të urtuar dhe sensibilizuar njerëzit duke pasur parasysh situatën. Ndihem i vlerësuar që i dorëzoj Luanit këtë çmim”. Nga ana e tij, pasi pranoi çmimin mes duartrokitjeve të ngrohta të sallës, Luan Zhegu ia kushtoi suksesin e tij mbështetjes së gjatë të dëgjuesve ndër dekada, si dhe institucionit organizator. “Ky çmim i dedikohet publikut tim të mrekullueshëm që ka rreth 60 vite që bashkë-ecën me mua. Falënderoj stafin e festivalit dhe RTSH-në këtë emblemë të artit shqiptar për këtë vlerësim që më bëri”, u shpreh artisti pas marrjes së vlerësimit.#festivaliipranveres #rtsh #festpranvera #festivaliipranveres2026 Festivali i Pranverës në Radio Televizionin Shqiptar është festival i muzikës së lehtë shqiptare. 🔔Abonohuni në kanalin tonë për përditësime të vazhdueshme dhe përmbajtje ekskluzive: http://bit.ly/3H0S7oQ Find us at: https://www.rtsh.al/ Follow us on social: Follow us and get updates from RTSH on social media: Facebook:   / rtshqiptar   Instagram:   / rtshqiptar   Twitter:   / rtshqiptar   TikTok:   / rtshqiptar