CodeCast 07 | Վաճառքների նոր իրականությունը | Anush Apikyan

CODECAST 07-ում հյուրը Անուշ Ափիկյանն է՝ վաճառքների մասնագետ, ով ունի 15+ տարվա փորձ վաճառքների ոլորտում։ Վերջին տարիներին նա խորացել է նաև AI գործիքների կիրառման մեջ՝ օգնելով բիզնեսներին անգամ եռապատկել վաճառքները, կրճատել ծախսերը և ավելի արդյունավետ աշխատել ինչպես տեղական, այնպես էլ միջազգային շուկաներում։ Անուշի պորտֆոլիոյում կան տարբեր չափի բիզնեսներ՝ ստարտափներից մինչև խոշոր ընկերություններ, ինչպես նաև համագործակցություններ Google-ի, Booking.com-ի և Meta-ի հետ։ Բացի այդ, նա ունի գործնական փորձ հյուրանոցային և հյուրընկալության ոլորտում։ Այս թողարկման ընթացքում խոսում ենք վաճառքների նոր իրականության մասին։ Ինչու՞ այսօր outbound-ը, cold email-ները և LinkedIn outreach-ը այլևս չեն աշխատում նախկինի պես։ Ինչպե՞ս են փոխվել միջազգային շուկաները և ինչ նոր մոտեցումներ են անհրաժեշտ վաճառքներում հաջողելու համար։ Քննարկում ենք նաև IT ընկերությունների կողմից սեփական պրոդուկտների ստեղծման միտումը, շուկայում պահանջված լուծումները, AI-ի կիրառումը վաճառքներում և այն հնարավորությունները, որոնք բացվում են ոչ միայն IT, այլ նաև horeca և այլ ոլորտների բիզնեսների համար։ Առանձին անդրադառնում ենք աշխատաշուկային և այն հարցին, թե ինչպես պետք է մասնագետը կարողանա «վաճառել» ինքն իրեն, ներկայացնել իր արժեքը և առանձնանալ մրցակցային միջավայրում։ Զրույցի ընթացքում նաև խոսում ենք TCO-ի և Անուշ Ափիկյանի հետ մեկնարկող նոր պրակտիկ դասընթացների մասին, որոնք ուղղված են վաճառքների, AI գործիքների և բիզնեսի զարգացման իրական կիրառական հմտությունների փոխանցմանը։